آخرة اللقافة [الأرشيف]

لارا

08-10-2004, 04:35 AM

مسهم مدري صبحهم بالخير

كل واحد و حزته:p

شخباركم ؟؟ شعلومكم ؟؟ عاش من شافكم مدري قرا خطكم ..

<<< اخلصي و وجع (67)

>>> طيب لا تعصبين <_<

الموووووهم

مدخل طويل

أذكر إني أيام الدجه (55) <<< يعني تراني عقلت الحين

فتحت لي إيميل ينقالي بلعب على ربعي و بسحب فيهم شوي

المهم إنه و هو توه بقراطيسه فتحت المسنجر بضيفهم و إلا أمة محمد ضايفتني

من وين جابوه مدري و هو بسم الله توه ما كمل يوم مدري

و الله و أستقبلهم <<< ما عندي وقت

طبعا هذا لانه إيميل خربوطي مهب إيميلي الحقيقي

لو إنه الحقيقي معصي و الله ما أستقبل فيه أحد ما أعرفه و خصوصا تماسيح <_< <<< ثقل اسم الله علي (109)

المووهم إني استقبلتهم وما كانوا شوي بس مدري كم

و لاحظت إنهم كلهم تماسيح ليه مدري

و أقعد ما شغلتي إلا هذاك الايميل صرت ما أعرف في النت بكبره غيره كل يوم ساطره عند مسنجره

اللقافه ما خلتني أمسي إلا أعرف وش سالفتهم هذولا

و إيميلي الصدقي عطيته بو لباس <_<

لين لقيت ذاك اليووم واحد من هذولا الخمه اللي مدري شيبون

اللي صار

7
7
مساء الخير B)

مساء النور

من ؟ <<< ما أعوووق

منصور

؟؟

منصور الفلاني <<< مابي أفضحه

>>> ما قصرتي <_<

اهاااا وشتبي ؟؟ و من وين جبت إيميلي ؟؟

أبتعرف يمكن يصير النصيب .. و إيميلك أنا خذته من زوجتي

خـــــــيــــــــــــر .. منهي زوجتك وش عرفها بإيميلي

لوووووول لا و الله من جد أتكلم ما امزح

أنا: تستخف دمك

ما فيه شي يضحك

و لا أنا أمزح <_<
المهم إني ما طولت صكيت في وجهه و حظرته

الثاني

نفس الأول تقريباً

و يوم قالي إنه جايبه من زوجتي

قلت له شالسالفه أنت تقول من زوجتك و هذاك يقول من زوجته عسى ماشر يا خوي(118)

المهم إنه ماااااااااات من الضحك و قال لا بس إيميلك منشووور في موقع طلب زواج اسمه زوجتي

و عطاني الرابط

عقبها طار عقلي و قعدت أهوجس يا ربي من اللي حاطه

صدق إني ابي أعرس بس ما وصلت فيني إني أعلن عن نفسي عند خلق الله اللي يبيني يجيني <<<< دخلت جو(42)

و اطير على الباقين و أحذفهم

و الإيميلات و ربي كانت تجي فوووق 15 في اليوم اللي يمني و اللي صومالي و اللي

سعووودي و اللي مصري و اللي حبشي و هندي و اللي تبوووونه كله موجود من جميع الأنواع

<<< أنواع الله يخلف على أمن جابتك

و كل واحد كاتب لي قصة حياته يعني من صدقهم هذولا يبون يعرسون

و المشكله إني دخلت على الموقع بدور على إيميلي بشوف المكتوب عني زين و إلا شين و

أدخل متحمسه و ما لقيت شي ضعت فيه ما شاء الله ديره مهب موقع <_<

و الحين يمال كسر اليدين سرقوه الله لا يعطيهم عافيه لا ني اللي سحبت في ربعي و لا ني اللي أعرست (57)

.
.:rolleyes:
الموضوووع

أبي أسأل سؤال

ليه كل بنات خلق الله انخطبوا إلا أنا.:rolleyes: ؟؟ (( هو مهب كل بنات خلق الله بس أغلبهم )) <<< للأمانه

هل فيني عيب ؟؟ تكفون لا تجاملون

السالفه ما فيها مجامله فيها حياة و مستقبل

<<< طسي و اللي يرحم والديك

و إلا عيب في الرجال (109) <<< و هذا الأكيد و إلا أنا ما فيني إلا العافيه اسم الله علي

عاد الظليمة شينه الرجال مالهم شغل الشرهه على العجايز <_< اللي يخطبون لعيالهم مدري وش أقول عادي اقول جعلهم العمى اللي يدب فيهم <<< تستأذن

كل يوم و الثاني داقه علي وحده من صديقاتي فلانه انخطبت يالعانس <_< و فلانه تملكت يالعانس <_< طيب حتى أنتوا عنس مهب بس أنا

و في يوم من الأيام يوم يئست منهم مالت عليهم قلت في خاطري أنا بخطب لعمري

و أروح أفتح مجلة من المجلات اللي فيها حق العرس هذا اللي كل واحد يرز عمره و يمدح فيها و الثاني كذلك <<< لا عاد توصفين تكفين

بس مدري شالنهايه هل هم يعرسون في الأخير و إلا لا

قلت أجرب حظي و أشوف هم يعرسون و إلا لا !!

وألطش إيميلهم و أرسل لهم طلب زواج

فتاة سعودية جامعية تبلغ
من العمر20 عاماً على
قدر عالي من الجمال
ترغب في الزواج من
شاب سعودي لا يتجاوز
الـ 35 ذو دخل جيد على
خلق ودين و يقدر الحياة
الزوجية

ملاحظات ..

1) ترى الجمال أنا صادقه فيه يعني مهب أمدح عمري (32)
2) لاحظوا إني ما حددت العمر بالتحديد يعني اللي بيجي حياه الله بس مابي شايب
3) ماني طماعه واجد مابي واحد بطران ياخذ علي ثانيه و لا أبي حافي منتف يحسرني (126)

و أرسله

و أروح أعطي السواق 100 ريال مقدم و اقوله شوووف كل راس شهر ترابط لي عند المكاتب تشتري لي هالمجله

و أقعد أنطر و أنطر و أنطر :rolleyes:

ومحد عطاني وجه

قلت ها يمكن نسوني يمكن ما فتحوا إيميلي و أرسل لهم إيميل تذكيري و أكلمهم أذكرهم

الوووو سلام كيف الحال ؟؟

نعم من يتكلم ؟؟

هلا والله انا لارا .. أبي أعرررس عااااادي ؟؟

إيه أكيييد أنتي أرسلي لما مواصفاتك على بريد المجله أو على الإيميل

لعنبوووكم عشرينطعش إيميل أرسلته و صار لي سنه مقدمه و محد رد علي معناته مافي نصيب مدام

مداااااااااااااااااااااااااااااااام .. بعد كل هذا و مداااااااااااااااااااام

على العموم إن شاء الله أصير مدام عن قريب <<< بتنهبل البنت
خلاص آنسه إذا جد جديد بنحكي معك <<< تسنع

تيب ... باااااااي
لحظه لحظه لحظه

أقوووول أنا كنت قايله أبي واحد سعودي و ولد عايله الحين عادي ما عندي مشكله بس يكون خليجي

مو تجيبون لي هندي <_<

خلااااااااااااااااااص قلنا لا جد جديد بنكلمك

طيب ووجع لا تزمر

و أسكر و دموعي على خدي عشر عشر

المهم إنهم ما أبطوا من ثاني يوم دقوا

هلااااااااااااا و الله

أهلين الآنسه لارا ؟؟

أنا: آآآمر

جايك عريس سعودي بس عمره 40 سنه .. أووكي ؟؟

هااااا ... مع إني ما شرطت كذا

بس عساه حلووو ؟؟ <<< يئست

و الله مقبووول ..

اهااا طيب خلاص خله يجي لابوي <<< ما أعوووق
أووكي .. عنوانكم ؟؟

و أرز له عنوان بيتنا

و من يومها و أنا من أقوم لين أنام و حتى و أنا نايمه أكشششخ

أخاف أفتح الباب فجأه و إلا شي إلا ألاقيه بوجهي و يشووفني بخلاقيني !!

جا هذاك اليوم و أنا مسنتره على النت

يعني أي أحد يكلمني لو يطير و ينزل ما رديت عليه (9)

و يرتز لي أخوي الصغير بو 10 سنين يقول في واحد تحت شايب ما يعرفه ابوي و من اليوم وهو يهايط (55)

أنا طبعا سافطته <_<

و بعد 10 دقايق استوعبت و أنط على رجل لباب المجلس يوم أطل إلا واحد مدري ليش حسيت إنه طرار (32)

يلعن أم الإحبااااااااااااااط إلا كذا

أنا متحمسه و حالتي لله و تاركه ما وراي و دوني و نازله تحت قلت أكيد جا و هذي الصدمه

قلت في خاطري أكيد إنه ماله نيه يجي .. أحسسسن لا يجي شايب بو 40 شبي فيه <_< .. في اللي ما يرده <_<

و أنا أتحلطم جاني اخوي مو الصغير هذاك لا هالمره بو 17 مدري 18

جا و هو ميييييييت من الضحك تسدح لين قال بس (x3x)

قلت خــــــــيـــــــــر ترى ماني فاضيه لك نفسي في خشمي و واصله معي قال فيه حفله داخل

في واحد جاي يخطبك من أبوي و يقول إنك تبينه و قرى عنك في المجله

أنا >>> قـــول قــســم بالــلــــــه ؟؟؟ (57)

قال بكل برووود .. قسم بالله .. قلت طيب أبوي شقال ؟؟ <<< ذبحني الخوف

قال مدري ما ثبتت .. قلت طيب انقلللللع ثبت شقاله .. قال مالي خلق ، كم تدفعيييين (109) ؟؟؟ قلت

اللي تبي يمال الفلس بس قوووم و بعدين نتفاهم قال لا ما فيه بعدين .. الحييييين

فاتورتي الجايه تدفعينها ؟؟

قلت .. يوووووه الاتصالات مره ثانيه :s6: .. زين بدفعها بس أشوا إنها محدده <<< تجيني غصه لا جابوا طاريها <_<

قال: احلفي !!

قلت: أقوووول قم انقلع السالفه خلصت و أنت تحلفني قال طيب احلفي لو إنك حالفه من زمان كان أنا الحين عندهم

قلت .. و الله أدفعها لك

دخل دقيقه و طلع

قالي : أبوي طرده !!!

أنا >>>

و يلوووموووني في حبك يا يبااااا (13)

طلع أبوي من المجلس و شياطين الدنيا راكبته <_<

استلمني

أقووول لارا من متى حضرتك طايحه لي في المجلات

هذي آخرتها بنات الحمايل يبيعون نفسهم بس هين شغلك عندي يا بنت الذين

راكااااان رح جب الخيزرانه <<< كنها شانت الأخلاق(42) <_<

وشين الحلايا ما كذب خبر راح يركض

أنا: لــــــــحــــــــــظــــــــــه يا يووبااا

من قالك ؟؟ و بعدين شبي فيها عشان أراسلها .. أصلاً أنت تشووفني إلا على الكومبيوتر أو نايمه

قال إيه أكيد تراسلينهم من هالزفت هاللي مقابلته ليل نهار <<< مآكل حلال أبوه النت <_<

يعني شلون أراسلهم من النت ما ينفع لازم أكون على الهواء مباشره يعني النت جني عشان

ينقل لهم رسالتي لو براسل لازم عن طريق البريد أو الفاكس و انا ما عندي أحد يوديني لهم

<<< يلغن ابو التصريفات اللي كذا

هو سكت بعدين قال طيب بفكر في الموضوع

قلت له ليه هو عرس <<< ما قلت لكم بتنهبل

على العموم فكر لين تشبع المهم تفكني من شرررك <_<

بس صدق يبااا من كان عندك في المجلس ؟؟

و أنتي شتبين ؟؟

لا بس أسأل !!

واحد جاي يخطبك و طردته قلت له ما عندي بنات للعرس <_<

وقتها مدري أفرح مدري أزعل مدري أضحك مدري أبكي

يعني زين سوووا يوم قلعه بس لو جاني واحد بعدين مزيون و مملوح بيقوله نفس الكلام

وقتها بتسمعون خبري

و إلا خبر هجتي من أهلي (57)
.
.
.
.
شئ على الهامش

1) العيال اللي يتمننوون بخدمتهم لأهلهم و خواتهم يبي لهم من يكفخهم على راسهم و أحب أرسلهم تحيه و أقولهم لابوووكم لابوو من جابكم منة الله و لا منة خلقه <_<

2) مهما تطيرون و تنزلون يا بنات ترى الوالد في النهايه مهما رفض و مهما عصب تظل غلاة بنته غيرعن الكل وأهم شي عنده حياتها و يهمه إنه ينام و هو متطمن عليها <<< يا حبني لعمري و أنا أعطي نصايح
(( بس لو إنك يا بوي ماتقول لي معصي لا قلت لك بروح لربعي ))

و بــس

سلامـتـكـمـ

.
.
.
.
بس نهاية

ودي بكلمه أعلق فيها

انا في هذا الموضوع كنت اتكلم عن اللي يتقدمون لبعض عن هذا الطريق شلون يتفقون مع بعض وشلون يثقون ببعض
بصراحه إيميلي هذاك اللي أقولكم إنه انسرق صدمني شفت فيه بلاوي يعني ناس يتكلمون عن نفسهم من جدهم طيب أنتوا شدراكم إن الطرف الثاني بيبادلكم الصراحه
و ترى هذا رايي الشخصي
على العموم الموضوع عندكم و الحلال حلالكم و المحل محلكم خذوا راحتكم فيه
يعني أنتوا تشوفون إن الزواج عن طريق النت و المجلات عدل ؟؟
الزبده
أنت لو تسمح لك الفرصه .. عندك استعداد إنك تعرس عن طريق النت أو المجله !!.
.

لارا