وتسألني عن عيوني وش اللي صابها بذبول
وش اللي غير احوالي وثبت هالنكد فيني


اجاوب والجرح فيني يدور عن دوا مجهول
تعبت من الدموع اللي تحدر حيل من عيني


تعبت اتحمل الدنيا تشيلني من الهموم حمول
تعبت اشوف هالفرحه تبين من مدى حزني


تعبت انساه واواصل حياتي عرضها بالطول
ابي اعيش مرتاحه وابنسى جرح يدميني


غلاه الساكن بجوفي يواعدني بأمل وهطول
امطار الفرح لكن قدرنا الصد هاديني


ترى ماودي بأكثر من الي بخاطري و يجول
ابي القاه لو لحظه الملم فيها شجوني


حزن هالعالم بقلبي عليه بيكتمل الحول
ألا ياصاحبي شلون الاقي وقت يفرحني

كتبت فابدعت فتالقت
الله يعطيك العافيه خيو كلمات ولا احلى
دمت بود

ذوق رائع وموفق بالإختيار
بإنتظار كل جديد
ودي وتقديري
لمشاهدة الروابط والصور يجب التسجيل.
قطره

رغم انه استعصى عليا استيعاب الكلمات على اعتبار انها مكتوبة بالعامية الخليجية الا ان الاحساس بالقصيدة كاناقوى و قوة التاثير كبيرة
مع محبتي الابدية خالد