أثيـــــــــر ... أبنة العشرين تسكن في منزل كبير

في قلب العاصمه مع والدها رجل الأعمال الكبير

ووالدتها سيده لها مكانتها العاليه في مجتمعها

وأخوتها الأربعه 00 خالد متزوج من ابنة عمه فاتن

وله من الابناء اثنين فارس وفرح

صالح 00 يعمل مع والده في التجاره

أما بندر الأبن المغترب يدرس في الخارج

وأحمد الأبن الاصغر في المرحله الثانويه

وهناك الجده في قسمها الخاص بها في ذلك المنزل الكبير

^
^
^
^


(( 1 ))

أثيــــر جده جده وترتمي في احضان جدتها

يا بعد قلبي يا جدتي الله لا يحرمني منك

الجده ويخليك لي يا بنيتي

وش صاير لك ذبلانه ومصفر وجهك

أثيـــر آآآه يا جده من الدنيا هو فيها احد مرتاح

الجده لا يابنيتي بس الصبر زين وهذاك في زمنا

بس انتي بسم لله عليك عايشه أحسن عيشه لا عاد اسمع

منك ها الكلام

أثير أبشري يا جده وتقوم و تبوس راس جدتها

وتطلع من الغرفه وتسكر الباب وتتنهد وتقول

ياآآآآآ ليتني عشت بزمنكم ياجده

بساطه وطيبة قلب


هدوء في البيت فقط اصوات الخدم في المطبخ

الكل في الخارج

فجر عجبتني البدايه

عشت مع الروايه وتخيلت الشخصيات

بانتظار التكمله

فجورة

يسلملي قلبك دائما تمتعينا بكل ماهو جديد

عسى الله لايحرمنا منك يا الغاليه

دمتي بكل الحب والود

تحياتي

سوسو(109)

أجالت أثير بنظرها في أرجاء المنزل المطبق بالصمت ، الحافل بعرس النور ، فالثريات الفخمة التي علقت في كل زاوية من زواياه تغلق كل المنافذ أمام

لصوصية الظلمة

-لم لا نستطيع اضاءة ما نشاء دواخلنا

قالتها أثير وهي تتسلق بنظراتها السلم المؤدي إلى غرفتها ، الألوان الزاهية المتخمة بالحياة ، الشبابيك المشرعة لنسائم الكون

انتقلت بخطواتها المثقلة لترتمي بكلها على أريكة قريبه ، وتغمض عينيها محاولة منها تخفيف سطوة الإزعاج لكل هذه الأنوار أو ربما هي تأمل في

تسللها داخل عتمة روحها ..

-أثير ؟ وينك؟ لنا ساعة ننادي عليك ما تسمعين ؟ ... هكذا جاء صوت أحمد ليقطع كل حديثها مع الصمت والمكان ..

كنت عند جدتي خير ايش فيك ؟ ايش تبون ؟

-شوفي أثير تراك بتروحين غصب مو بكيفك ماهو مثل كل مرة تقولي مابي اروح ومابي أطلع

-طيب بس قولي وين بنروح؟

-نبي نطلع نتعشا بره. كلهم جاهزين ، كلهم يبون يطلعوا ، كلنا ملينا من جو الاختبارات والمذاكرة خلااااااص الحين اجازة والكل نجح

-ايه بالحيييييييل من زين درجاتك انت ووجهك

-أقول المهم نجحت ماني ناقص دروسك انتي يا المعقدة ، كيف الحين بتروحي وإلا ....

-لااااااااا بدون وإلا بروح . جد ودي أخرج أتنفس شوي

-أجل بسرعة ترى لو تأخرتي بقولهم ما بتروح

-عشر دقايق بس ... تقولها وهي تصعد نحو غرفتها على عجل

-ومني عشر دقايق بعد أعرفك زييييييييين

( 2)

أ ثيــــــــــر 00 تنزل الدرج مسرعه وتقف في الصاله وتقول

الحين جهزت مشينااا


فارس وفرح وهم يركضون عمه عمه

_ ياعيون عمتكم

_ بتروحين معنا

أثير وهي مغمضه عيونها تجي الروحه بدوني

فارس واثير بصوت واحد

لاااااااااا ههههههه هههههه

_ ياقلب عمتكم اجل بروح معكم

فاتن اهلين
_ هلا بك

خالد هاه وين تبون

أثير انا ابي أكل هه

فاتن وأنا ابي اتسوق بعد العشاء

فارس وفرح وحنا نبي نلعب

أحمد بنظرات خبيثه وأنا ابي اممممم

اثير _ هيه احمد لا تجينا حركات مو زينه فااااهمني

_ اي طيب طيب هههه


_ في المطعم _

تررررن ترررن ترررن جوال خالد

_ هلا وغلا

_ الحمد لله

_ ابشرواا ثواني وعندكم

مع السلامه

فاتن وهي تطالع خالد خير

_ الخير بوجهك

الربع مجتمعين ويبوني اكمل السهره معهم

_ مو قلت اليوم لنا بعدين للحين ما اخترنا هدايا نجاح فارس وفرح

_ انتي ياقلبي ماراح تقصرين اوكي بابتسامه عريضه

_ يالله أنا ماشي

هدوءءءءءءءءء الكل توقف عن الاكل

أحمد - يالله فروسي وفروحي نروح نلعب

أثير _ أصبر احمد شوي يكملون اكل

_ لااا عمه خلصنا نبي نلعب

_ يالله اجل مشيناااا

وأخذهم وطلع

فاتن وعيونها مليانه دموع

الله يسامحك يا خالد نكدت على فرحتي

أثير بحزن - كنت محتاجه تكون امي معي وخاطري ابوي يسألني شنو ابي هديه

صح ما قصروا على بشئ بس محتاجه وجودهم وحنانهم وخوفهم

فاتن - الا عمتي وينها ؟

_ امي عندها حفله مع صاحباتها بدايه مشروع جديد

_ وعمي رجع من السفر ولا ؟

- لا باقي للحين ما رجع

_ الله يرجعه با السلامه

_ آمين

أثير وهي تمسح دموعها يلله فاتن تأخرنا قومي نتسوق ونتشتري الهدايا لفارس وفرح

_ فاتن وانتي !

_ انا ما ابي شئ بس بشتري لاحمد هديه مع انه ما يستاهل درجاته تفشل

_ ههههههههه حرام عليك احمد طيوب ويستاهل كل خير

ملاك القلوب

اسعدني جدأً ردك الغالي على قلبي

وعسى الله لا يحرمني منكم ومتابعتكم لقلمي

تقديري التام

اتمنى تكون باقي الردود بعد انتهاء الروايه

(4)

أحمد وهو يلحق بأثير وفاتن داخل المول : خلصتوا ؟

أثير : لسه باقي أهم شيء
-الحين كل هالأكياس اللي مانتم قادرين تشيلونها ، ولنا أكثر من ساعتين بالسوق ولسه ما خلصتوا ؟

المهم ترا فارس وفرح آخرتها بتركهم يناموا بالمول واطلع

فاتن : أعرف اننا طولنا ، خلاص خلاص وين السيارة ؟

أثير : وين ؟ من جدك إنتي ؟ أنا لسه ما شريت شي وانتي عارفه ليه جيت

-ايييييييه تصدقي نسيت

أحمد بلا نسيت بلا تذكرت انتي وهي ترا جد طفشت ومليت يلا السواق شكله نام بالسياره

أثير : أحمد خلاص ما جات على دقايق الحين جايين بس إنت خذ فارس وفرح وهالاكياس وروحوا السيارة دقايق اثارينا عندكم

-مافيه أعرفك انتي الدقيقة عندك بساعه رجلي على رجلك يلا

فاتن : وعد أحمد ما راح نتأخر خلاص بندخل هالمحل نبي كم غرض وجايين

-أجل أروح معكم
أثير : لااااااااااا وين تروح معنا افااااا عليك أحمد قالتلك أم فارس ما راح نتأخر لفها عاد

-بنشوف آخرتها معكم الحق على اللي يجي معكم مرة ثانية ... يقولها بغضب وهو ممسكا بيد فارس وفرح متجها خارج المول نحو السيارة ..

فاتن : يلا بسرعة جد تأخرنا ... تقولها وهما تتجهان نحو محل لبيع العطور وأدوات التجميل

وداخل المحل وقفت فاتن أمام بعض مستحضرات التجميل ، بينما راحت أثير تشم رائحة بعض العطورات

أثير وبيدها قارورة عطر جذبتها رائحتها : ايش رايك بهالعطر ؟

تلتفت نحو فاتن فإذا بها منهمكة في شراء بعض الأدوات فتقترب منها هامسة : مانبي نتأخر أجل هاه ؟ قوليلي بس ايش رايك بهالعطر ؟

فاتن : روعة

-ينفع لأحمد

-ايه ريحته رجاليه يلا خليه يحس انه رجال ههههههههه

أثير للعامل : لو سمحت ابيك تغلف هالعطر ؟

يأخذ العامل قارورة العطر بينما لا تزال فاتن منهمكة في أدواتها ..

تهرب من أثير بعض النظرات نحو طاولة اعدت للحساب يجلس وراءها شاب ذو ملامح جادة أجعد الشعر ذو بشرة تميل إلى البياض عيناه معلقتان

بجوال بين يديه وكأنه يقرأ أو يكتب شيئا

وبينما تتأمل تفاصيله يباغتها بالتفاتة تشعر معها أنها تعرت من كل ما أرادت اخفاؤه فلا تملك إلا أن تطرق بيعينيها محاولة الانشغال بما حولها من

عطورات

يطيل الشاب النظر إليها حتى والعامل يناولها قارورة العطر التي قام بتغليفها وكأنه يحاول أن يصل إلى ملامح وجهها المختفي حول النقاب ليرسمه

أثير محاولة عدم الاكتراث : فاتن خلصتي ؟ .

-ايه خلصت

-أجل مشينا يلا

-طيب .. وتتوجه للعامل بسؤاله : كم حسابك ؟

العامل وهو يحسب ثمن ما اشترته أثير وفاتن : 1000 ريال

تخرج فاتن بطاقتها الائتمانية وتدفعها إلى العامل ..

-آآآسف أوي مفش خدمة الحين لكن بصي فيه ماكينة صراف أوريبه أهي .... يخرج ليشير العامل الى ماكينة الصراف الآلي

فاتن : أثير معك فلوس ؟

أثير بصوت منخفض وهي تشعر بالاحراج : نسيت حافظة الفلوس بالبيت من العجلة كله من أحمد

- أجل بروح أصرف وأجي .. تقولها وتخرج من المحل للصراف الذي أشار إليه العامل

تعود أثير لتتأمل بعض مستحضرات التجميل يقترب العامل منها وبيده قارورة عطر نسائي

العامل آخذا بيد أثير ويرش عليها شيئا من العطر : جربي ، ده عطر جديد مالوش أسبوعين نازل

أثير وهي تفلت يدها وبصوت مرتفع غاضب : مين قالك إني ابي عطر ؟ احترم نفسك وابعد عني هناك

يقوم الشاب الجالس خلف طاولة الحساب بعد أن كان منشغلا بحديث لم يكمله يبدو أنه مع احد اصدقائه ويقترب منهما : خير ايش حصل ؟

-هالعامل يبيله تربيه بدل ما ينشغل بعمله مشغول بتحسس اييدين الحريم لا يكون يحسبنا سلعة والا بضاعة عنده

الشاب وهو ينظر للعامل نظرة توبيخ وغضب وقد رأى صحة ما قالته أثير تعلو ملامح العامل الذي اسقط بيده ولا يدري ما يقول : أعتذر أختي وأوعدك إن

هالموضوع ما راح يعدي بسهولة راح ينال العقاب اللي يرضيك ويرضي كل زبائن المحل

-ما همني تعاقبه والا لا لكن المهم تراقبه بدل ما انت منشغل بأشياء أخرى ترا سمعة العمال من سمعة أصحاب العمل

يبتسم الشاب متهيئا للحديث لكن صوت فاتن يقاطعه وهي تدنو من أثير وتقول : بعد الصراف عطلان ايش الحل ؟

-خلاص نرجع اللي شريناه مافيه حل ثاني

الشاب وقد سمع همسهما : لا يا أختي والله ما ترجعون شي اخذتوه روحوا الله معكم واعتبروا قيمتها وصلت اعتبريها هدية واعتذار من أصحاب المحل

أثير : لا احنا ما نقبل هدايا من أحد اعتذارك مقبول بس ماهو بهالطريقه

-يا ليت ما ترديني أختي

-آآآسفه ثمن الأشياء اللي أخذناها لازم ندفعه

-دام مصرين أجل ما تردونها تاخذونها معكم وبأي وقت ثاني يوصلني المبلغ

فاتن بعد لحظة همس مع أثير : شكرا لك ولذوقك وتأكد إن المبلغ بيوصلك قريب

-شكرا لكم انتم واعتذر عن كل شيء

أثير وفاتن يخرجان من المحل حيث تبدأ فاتن بسؤال أثير عما حصل بغيابها و عن سبب اعتذارات الشاب بينما يقف الشاب على باب المحل وعيناه

تتابعهما حتى يتواريان فيعود وقد ارتسمت على وجهه ابتسامة جعلته يغيب عن المكااااااااان

( 3 )

طرآآآآآآآآآآآآآآآآآآآآآآآآآخ باب السياره

أحمد وهو يطالع اثير بتعجب (84) خير وش فيك
_ سلامتك ترى مو ناقصه
_ خير صاير شئ
أثير بغضب (4) كله منك
_ نعم ! ليه لاني صابر وساكت كل ها الوقت

فاتن _ وش فيكم بتقلبونها هواش
أحمد _ أسئليهااااااا !

-أحمد انت ما تعرف وش صار
- خير وش صار ؟

أثير تمسك بيد فاتن وتهمس أسكتـــــــي

- احمد لا قولي وش صاير احد قل أدبه عليكم ولله لا انزل اذبحه (4)
_ لا مو كذا بس بطاقة الصراف متعطله

وما قدرنا ندفع مبلغ الاغرض الى شريناهم
وأثير نسيت محفظتها في البيت

احمد - آهاااا علشان كذا انا السبب
ولله السبب مرض النسيان الى عندك

أثير - احمد بليزززززز اسكت لا تسمع شئ مايعجبك

فاتن - اثير خلاص اذكري الله

احمد - المهم

رجعتوا الى شريتوا اجل

_ لا اخذناهم
_ نعم كيف !
- بكره راح ندفع لهم المبلغ

_ كيف تجي هذي وكيف وافق صاحب المحل بدون اي ضمان

أثيـــــــر بكل ثقه أنا الضمان

فاتن هههههههه(85)

أحمد - وهو يطالع اثير (4) أبي افهم ؟

أثير - احمد ولي يسلم عمرك بعدين اقولك السالفه

وانت الى راح توصل المبلغ بكره

في البيت

فاتن يالله ماما فارس وفروحتي
واخذتهم وطلعوا للقسم الخاص فيهم

احمد يطلع الدرج بسرعه وهو يقول

أثير انتظرك لا تتأخري

أثير تطلع الدرج بخطوات ثقيله
وما زالت صورة ذلك الشاب والحوار الذي دار بينهما وتلك النظرات
أمام عينيها

أثير بعد ما غيرت ملابسها واخذت هدية احمد

- الله يعين كيف بفهم ها الدلخ السالفه

خرجت من غرفتها متجهه الى غرفة احمد
وفي الطريق سمعت صوت عالي من غرفة والديها
تقترب من الباب
طق طق طق

_ ايوا تفضل
_ يمه ممكن ادخل

_ ايه تفضلي
_ هلا يمه كيفك وش اخبار الحفله والاجتماع عسى كل شئ تمام
_ ايه الحمد لله
_ بس كنت ابيك تكوني معي
- يمه انتي عارفه رأيي في ها الموضوع

جربت (89) بس مارتحت الله يخليك لا تزعلي مني
- المهم وش صار اليوم وين رحتوا

- طلعنا (12)
وتعشينا وتسوقنا بعد ههه
_ زين انبسطتوا
- ايه شوفي ماما شريت هديه لاحمد عطر رجالي يجنن
_ الله يخليكم لبعض
- ولا يحرمنا منكم انتي وابوي

_ على طاري ابوك اتصل قبل شوي وجاي بكره ان شاء الله

يعني نبي الغداء مع بعض نامي وبلا سهر

- ابشري يمه بس بروح لاحمد اعطيه هديته ونتفاهم علشان بكره

_ ليه وش صاير بعد

- ابد مشكله بسيطه
اخذنا عطورات ومكياج وما دفعنا ثمنها
ما كينة الصراف عطلانه

بس طلع صاحب المحل قدع (32)
وقال اوكي بكره تدفعون المبلغ

_ شئ غريب بدون سبب !
- ايه(69)
يالله تصبحي على خير
وتقوم اثير وتبوس راس امها وتطلع من الغرفه

طق طق طق احمد

ادخلي ادخلي

ههههههههههههآآآآآآآآي احمد وهو جالس على السرير وبحضنه اللاب توب

اثير بسرعه تعالي شوفي منو متصل

_ لاااااااااااااا منو هذا
لا تقول بندر
لا لا لا
وش هذا (24)
ليه مطول شعره كذاا وععععععع

أحمد - تقول وعععععع ههههههههآي
- وع في عينك ههههه
أثير- هههههههآي

بندر ولله وحشتنا متى راح تجي زياره
بندر - قريب ان شاء الله
بندر -اثير وش عندك محلوه يا بنت
-ياقلبي يا خوي انت الوحيد الى ترفع معنوياتي
-بس ترى من زمآآآآآآآآآ ن انا حلوه هههه
أحمد - اقول بندر لا تكبر راسها علينا
- ههههههههههههه
بندر - يالله تامرون على شئ بطلع مشغول
سلمولي على امي وابوي وخالد وصالح
بااااي
_ باااي



أثير - احمد تفضل هديه بمناسبة نجاحك

-أحمد بنظرة أخوه ومحبة

مشكوووووورة ويعطيك الف عافيه

- أثير وهي مبتسمه يالله افتحها قولي رايك

احمد يفتح التغليفه وهو يقول

ههه شكله عطر

- يارب يعجبك ترى جديد وتوه نازل ههههه وغالي بعد
بس ما يغلى عليك

أحمد وهو يرش من العطر أمممممممممم حلوه الريحه

اثير مبسوطه وتطالع فيه (2)

احمد يمسك بيد اثير ويجلسها على الاريكه ويجلس بجانبها

- يالله اشوف اعترفي بكل شئ

أثير تطالع احمد بنظرات توسل (89)

- بس ابي توعدني انك ما تخبر احد

وتتصرف برجوله وعقل

والموضوع ما يستاهل انا كبرته

لاني ما أحب ها الحركات

- أحمد اوعدك يالله قولي وهو عاقد حاجبه

- بصراحه في عامل با المحل مصري

استغل وجودي وحدي لما طلعت فاتن

مسك يدي ورش عليها عطر (124)

أحمد وعيونه طايره بأثير

وجع (4)

- اي يد مسك هذي ولا هذي

-اثير احمد وش فيك وش تفرق

- احمد (12) طيب غسلتيها با المويه والصابون

- تتريق انت

- طيب وبعدين وش صار

_ ابدا ما قصرت معاه رفعت صوتي عليه وهزئته

انتبه صاحب المحل وسالني وش فيك

فكملت عليه وحملته غلط العامل

اعتذرو مني ووعدني صاحب المحل انه يعاقب العامل

وحلف ان الاغراض ما يرجعون

حتى قال اعتبروهم هديه واعتذار

بس انا رفظت واتفقنا ندفع المبلغ وقت ثاني

- احمد وهو حاط يده على خده والمطلوب مني اوصل المبلغ بكره

- اثير عليك نور

وراح اقولك اسم المحل ومكانه

- ابشري كم اثير عندناااا

- تسلم بس ابيه سر بيننا ماابي احد من اخواني يعرف

ما عندي اي استعداد اسمع محاضرات

- ايه لو كنت معك ما تجرأ احد ومسك يدك

أثير وهي تبتسم معاك حق

يالله انا بروح انام حدي نعسانه وتعبانه تصبح على خير

- وانتي من اهل الخير

تخرج أثير من غرفة أحمد متجهه الى غرفتها كا فراشه

تطير في كل زواي المكان

بقلب ينبض بدقات قويه وسريعه

يغمرها شعوور با الفرح والسعاده

ترتمي على سريرها وتغمض عينيها

وتطلق العنان لخيالها بعيدا ً

الى ذلك البريق في عيني ذلك الشاب

من يكون ؟

وما ذلك الشعور الذي يداهم قلبي ؟

وما ذلك الفضول القوي الذي يدفعني لمعرفة كل شئ عنه ؟

من هو ؟

لم تستطيع اثير النوم تلك اليله

فقد قارب الفجر على البزوغ

واثير لا تزال غارقه في حوار وتساؤلات

بين قلبها وعقلها !

- يآآآآآآآآآربي ماني قادره انام

تنهض اثير مسرعه لا تعلم الى اين تذهب

تنزل الى الطابق السفلي متجهه الى غرفة الجده

تدخل الغرفه وتغلق الباب

_ اثير جده جده صاحيه

-الجده اثير بسم لله عليك وش فيك ليه ما نمتي ؟

- جده بنام عندك

مو جايني نوم محتاجه حضنك

- تعالي يمه بسم لله عليك حلمانه ؟

- لا

- الجده وهي تمسح على شعر اثير وتقرأعليها

أثير - جده احكي لي قصه

وتبدا الجده بسرد قصه من الماضي

تغيب معها اثير لتعيش اجواء تلك الحكايه

بقلب ينبض بالحنين


( الساعه 1 بعد الظهر )

اثيــــــــــــــــرررررررر هكذا جاء صوت احمد العالي

ليوقض اثير مفزوعه

- ياااربي وش ها الازعاج

احمد قومي بسرعه ابوي وصل وكلهم مجتمعين با الصاله

اثير وهي تجلس من نومها وتمسح على شعرها

- طيب طيب

- انتي ليه نايمه هنا وش تحسين فيه فاقده حنان ولا ودك ترجعين طفله !

- اقول اقلب وجهك ما ابي اعكر مزاجي

- تامرين أمر بطلع بس بردها لك يصير خير

ويطلع احمد ويسكر معه التكييف ليجبر اثير على النهوض

النهايه بتتزوج اثير ولا تظل عانس مثلنا : )

>>>>> بتكرهه العنوسه ادعو لي الله يزوجني

< 4 >

بخطوات ثقيله تتجه اثير الى غرفتها في الطابق العلوي

جلسة اثير امام المرأة بعد ان اخذت شور دافئ
ممسكه بالأستشور وتجفف شعرها

الباب طق طق طق

_ ايوااااه
احمد _ اثير ادخل

_ جاي تكمل ازعاجك هنا بعد

_ احمد يدخل وهو يضحك ههههههههه
- لااااااا

- أجل

- فيه شئ غريب تحت

- خير

- مدري بس امي وابوي جالسين يتكلمون بصوت هادي وامي مبسوطه حيل

- الله يديم السعاده بينهم

- لا مو كذا فيه شئ بيصير

أثير تطالع أحمد بتعجب

والمعنى ؟

_ مدري !

- المهم يالله بسرعه متنا جوع

_ يالله مشينا

تنزل اثير واحمد لصاله

أثير - هلا يُبه وتبوس راسه

_ كيفك وشو اخبارك

- بخير ياوجه الخير وهو مبتسم

- وشلونها الغاليه عسى امورك كلها تمام

- تمام يُبه بشوفتك

_ وينه صالح ما اشوفه ؟

_ صالح ماجاء باقي شوية اشغال واوراق بيخلصها يومين وراجع

الجده - الله يرجعه بالسلامه ويحفظكم ويبارك لكم في رزقكم

-اللكل
آآآآآآآآآ مين

أبو خالد - هاه يا أم خالد ما جهز الغدا

- الا ابشر يالله تفضلوا
امسك ابو خالد بيد امه متجهين الى غرفة الطعا م

الكل على طاولة الطعام وهناك نضرات

وابتسامات بين والد اثير ووالدتها

ونضرات تعجب تدور بين احمد واثير

اما فاتن فلم تنتبه لشئ فهي مشغوله مع فرح وفارس

وخالد كان يأكل بسرعه كعادته
لانه على موعد مع اصدقائه
بعد انتهاء الكل من وجبة الغداء

ابو خالد - وهو يطالع في أثير
عندي خبر حلو

أثير - خير يُبه !

أم خالد - خير ان شاء الله وهي مبتسمه

الجده - الله يديم عليكم الخير يا رب

فاتن وخالد يطالعون بعض ؟

أحمد- شكلنا بنسافر مع بعض سفره حلوه وخلصت الحجز

- لااا ههههههه ان شاء لله بتسافرون بس مو هذا الخبر

خالد - اجل شنو يٌبه؟
فاتن - يالله عمي ترى شوقتنا

- اليوم أثير انخطبت

الكل يطالع في اثير

وهي ساكته ومندهشه من الخبر !

أحمد - اثير بتتزوج اخير اً بنفتك منها

ام خالد - لا ومشاء الله معرس ثقله ذهب

ولد ناس ومتربي ومتعلم وتاجر بعد ومافيه اي عيب

خالد - منو هذا ؟

ابو خالد - فيصل ولد الشيخ عبدالعزيز

- مشاء الله والنعم

- كان معي بسفرتي رجال والنعم فيه

ودخلنا مع بعض في مشروع جديد

وطلب مني يد اثير لولده انا وافقت بس قلت له اصبر كم يوم اشاور الاهل والبنت

فاتن - مبروك اثير ياعيني على الحياء

اثير صامته وعيونها كلها دموع

- يٌبه بس انا مو موافقه

الكل يطالع بأثير بتعجب !

- يمه انتي عارف رأيي من زمان في امه واخواته

- بس انتي ما راح تتزوجين امه ولا تعيشين معها لك بيت لحالك

- يمه العائله هذي ما ابيها

مااا احبهم تافهين وكل همهم الفلوس والمظاهر

ابو خالد- وهو معصب
اثير مو كل مره يجيك واحد مثل فيصل
مال واخلاق وانا موافق وعطية ابوه كلمه

خالد- اثير ترى الولد ما ينقصه شئ انا اعرفه رجال
احمد- بعد ووسيم
فاتن - يابختك يا اثير

اثير - وهي تبكي

لا ما اااني موافقه وتطلع بسرعه لغرفتها

الجده - اصبر عليها شوي تهداء وتفكر زين

ابو خالد - ام خالد شوفيها وفهميها
ا
انا ما راح ارد الرجال

- ابشر مايصير خاطرك الا طيب

خالد - ولا يهمك يُبه حنا نقنعها
وبتوافق ان شاء الله رضت ولا ما رضت

فاتن - لا حرام
خالد يطالع بفاتن وهو معصب حنا نعرف مصلحتها وين

- بس ان شاء الله توافق برضاء بس اصبروعليها شوي

ابو خالد - يالله انا بطلع اريح شوي بغرفتي

خالد -وانا طالع تامرون على شئ
فاتن - سلامتك

- وانا بروح اشوف اثير

اثير غارقه في حزن وهم ودموع غيرت ملامح وجهها الطفولي البريئ
- اثير ممكن ادخل

- تفضلي

- اثير ياقلبي لا تعبي نفسك كذا

- فاتن انا متاكده انهم بيغصبوني ابوي يبيه وبعد امي وخالد

يعني خلاص انتهى امري
- طيب الرجال ما يرد ليه ترفضين

- حتى انتي هذي حياتي انا مو مرتاحه ما ابيه حسوا فيني

الباب طق طق
احمد - اثير

فاتن - ايوا احمد وش تبي

- بروح للمول وش اسم المحل ووين

اثير - ادخل شوف كرت المحل على الطاوله الى عندك

دخل احمد بصمت اخذ الكرت وطلع !

- اثير ممكن اعرف سبب رفضك غير سالفة امه واخواته
علشان اقدر اساعدك

- مافيه سبب ثاني انا ما ابيه لا هو ولا اهله
كيف اعيش مع ناس ما طيقهم ولله حرام

تدخل والدة اثير الغرفه وتجلس بجوار اثير وتمسح على شعرها

اثير يمه ابوك موافق والرجال ما ينرد انتي شوفيه
واجلسي معه وراح تغيرين فكرتك
وامه واخواته ماعليك منهم

- يمه افهميني ما ابي اخذ واحد مشغول وكل همه الفلوس كيف يجمعها

- اجل تبين واحد فقير ومنتف ؟

- ابي السعاده والراحه
- تجهش اثير بالبكاء بصوت عالي
- اطلعوااا ابي اجلس لحالي

ما بي احد عندي اطلعوااا

تهمس والدة اثير لفاتن كي تخرج وتغلق الباب خلفها

بعد خروج فاتن من الغرفه

تمسك والدة اثير اثير من كتفيها وتقول

_ اثير ارفعي راسك وكلميني

فيه شئ انا ما اعرفه انتي مخبيه شئ صاير شئ من وراي ؟

وش سبب رفضك لفيصل !

تعرفين احد غيره ؟

- لا يمه بس ما أبي اقول كلام يضايقك وأندم عليه

- لا قولي ابي اعرف كل شئ منك والحين

- اثير تبكي بشده وهي تقول

يمه الله يخليك خلاص كآآآآآآآآآفي
كآآآآآآآآآآفي


يمه انا ما ابي اعيد قصتك مع ابوي

يمه انا من كنت صغيره وبوي بعيد عنك وعنا

مشغول او مسافر

كنت اشوف الحزن والهم بعيونك

يمه تذكرين يوم يمرض احمد

تذكرين وش صار هذاك اليوم

يومين واحمد مريض في المستشفى وابوي ما فكر يسال عنا و لا حتى يرد على اتصالاتك

وتذكرين بعد المشاكل الى تصير بينكم من يرجع ابوي من السفر

كنت اسمع كل شئ وكل شئ مكبوت بداخلي يمه انا ما ابي اعيش الحياة الى انتي عشتيها مع ابوي

ما ابيها الفلوس ابي السعاده والراحه حتى لو مع فقير ومنتف زي ما قلتي

- كل هذا بداخلك وساكته !

ما فكرتي ابوك يسوى كل هذا علشان منو ؟

مو علشانك انتي واخوانك

اي شئ تطلبونه تلاقونه وفر لكم احسن عيشه وأمن مستقبلكم

يا بنتي انا صح تعبت في بدايه حياتي مع ابوك بس انا راضيه

لانه هذا نصيبي والحين انا مبسوطه ومرتاحه مع ابوك

شوفي اثير السعاده والراحه مو في الفلوس ولا بدون الفلوس

يعني انتي لو اخذتي واحد موظف وعلى قد حاله راح تكوني سعيده

لا يا بنتي الدنيا كلها مشاكل وهموم

حنا بس الى نقدر نصنع سعادتنا بدينا

ونا الحين والحمد لله سعيده ومرتاحه

اثير يمه اذا فيصل من نصيبك راح تأخذيه

واذا مو من نصيبك ما راح تأخذينه انتي وكلي امرك لربك

ولا تكسرين كلمة ابوك قدام الرجال ولا تنسين تعبه علشانكم

وانا امك واعرف مصلحتك فيصل رجال ما يتعوض صدقيني يا بنتي

تمسح اثير دموعها بكفيها

-بس يمه بداخلي خوف وحزن مو مرتاحه يمه

- وعسى ان تكرهوا شئ وهو خيراً لكم

المهم انتي الحين قومي اغسلي وجهك وما عاد ابي دموع

- ان شاء الله يمه

جود : أخيرا رديتي ؟ صرنا العصر ؟ كل هذا نوم ؟
أثير : هلا جود آآآسفة بس ما كنت نايمة . متضايقة شوي
-خير أثير ايش فيك ؟ إنتِ بخير ؟
يخرج وليد من غرفته في ذلك المنزل البسيط وغدا بدا عليه الاستعجال والاهتمام الزائد بمظهره ينادي :
جود ... جود ..انتِ هنا ؟ قفلي السماعة يا حبك للهذرة
-أوك أثير ضروري اقفل الحين راح أعدي عليك الليلة عشان تحكي لي كل شيء وبالتفصيل
-أوك
-يلا باي خليني أشوف أخوي مسوي لي قلق
-اوك
تقفل جود سماعة الهاتف مشيحة بوجهها الى وليد وهي تتأمل مظهره وملابسه
-ايه هذي عادتك تكشخ للبنات اللي بيجون المحل . بالله عليك متى بتعقل ؟
-جود ماني فاضي لمحاضراتك الحين عندي موعد مهم جدا بس وين أمي ما شوفها
-موعد ؟ صح نسيت إن وقتك انت كله مواعيد جوالك ما يسكت أبد
-لا والله هالمرة أظنه مع رجال . بس قوليلي وينها أمي ؟
-مدري عنها أنا صحيت أثاريها ماهي موجودة يمكن كالعادة طالعة لجدي
وليد وقد انتبه للوقت : يوه تأخرت .. تصدقي احسني عريس هالمرة
-هههههههههههه عريس ؟ إنت آخر واحد يفكر بالعرس
-طيب شكرا .. المهم خليني أروح ماني ناقص تأخير
-وأنا أقول وليد اليوم من زود الحماس بيفتح المحل ههههههههههه
وليد وهو يفتح باب المنزل : يا حبك للهذرة والتريقه
-وليد وليد تعال نسيت ابيك توصلني لصاحبتي
-أقول ضفي وجهك بس ماني فاضي لك إنت وصاحباتك ايش عندكم غير الحش في العالم ؟ مالي شغل تصرفي
يغلق الباب متجها الى سيارته وهو يقول : لا تزعجيني باتصالاتك ماني موصلك انسي
داخل المول كان الجميع قد بدأ منذ قليل بفتح محالهم وشرعوا في ترتيب وتنظيف ما قد علق بها بعد أن أضيئت الأنوار وحركت أجهزة التكييف فالحرارة تجبر
الجميع على المكوث داخل المول أو بالمحل .وكذلك فعل مصطفى عامل وليد .
يدخل وليد إلى المحل ويبادر العامل قائلا : أحد جاء الصباح ؟
-ايوه يا بيه شوف الدرج أدامك حتلائي مكتوب فيه كل شيء
-أقصد جاء أحد الصباح سأل عني ؟ يعني اللي فشلتنا معهم ما جوا وجابوا الفلوس ( يقولها وليد وهو مقطبا بوجهه )
-لا يا بيه محدش جاء
-طيب شوف شغلك
-قالها وليد ثم شرد بفكره في تساؤلات لم يكن الوقت مناسبا لايجاد الاجابات ، تساؤلات ربما ما كانت إلا ومضات مر عليها تماما كعابر يرى كل شيء بمحاذاة
الطريق لكنه لا يمكن أن يتوقف ليتفهم كل شيء أو حتى ليتأمل كل شيء فهو يسير نحو الهناك فامتلأ وجهه ترقبا ولهفة وخوفا : لم مهتم بأمر هذه الفتاة
إلى هذا الحد؟ لم يبدو منها غير تصرف يشير إلى جانب من رفيع التربية وآخر من سلامة الفكر وربما صوت بالتأكيد هناك من هو أجمل منه . أتراها تلك
النظرات التي اختلست ساعة لهفة من كليهما لكليهما ؟
وليد متمتما : أي سر تخبئه داخل عينيها ؟ كثييير من الفتيات مررن هنا لم أراها مختلفة ؟
مصطفى وحتى أنتبه لشرود وليد : اجيب لك حاقه تشربها يا بيه ؟
-لا ( يقولها وليد وهو يتأمل ساعته وكأنه يدفعها للركض حيث اللقاء )
-تعبان يا بيه ؟ لو تعبان ارجع استريح ونام لك ساعتين وتعال ، شكلك تعبان
نظر وليد إلى العامل ولكنه لم يسمع شيئا ، فلم يكن يراه أبدا فقد كانت عيناه تراقب الساعة وقلبه يترقب الغد أو ربما اليوم . أشاح بوجهه عنه وأخذ يقلب
بعض الأوراق داخل الطاولة موهما نفسه والمكان بعدم الاكتراث
-السلام عليكم
التفت وليد للشاب الذي دخل للتو إلى المحل : وعليكم السلام ورحمة الله وبركاته .. حياك
-إنت صاحب المحل ؟
-ايه آمر
-أمس فيه حرمتين أخذوا بضاعة وجاي أعطيك قيمتها
-هلا هلا حياك أخوي استريح ( يسحب وليد كرسيا ويقربه منه كي يجلس )
-لا ما راح أجلس بس هذا المبلغ وياليت ما تنسى العامل هالمرة كافي عقابك له لكن لو تتكرر بنعرف كيف نعاقبه ( يقولها وهو ينظر إلى العامل )
-ولا يهمك أخوي أنا عند الوعد بس ليه مستعجل ليه ما تشرب شي ؟
-ما تقصر بس مشغول شوي
-طيب ممكن أعرف اسمك ؟ ودي أتعرف عليك اذا ما عندك مانع
-أحمد
-والنعم بأحمد بس أحمد مين ؟
-أحمد عبدالرحمن الكسير تعرف عبد الرحمن الكسير ؟
-رجل الأعمال المعروف ما غيره ؟
-ايه هذا أبوي
-والنعم بيك وبأصلك . تشرفت بمعرفتك وأكرر أعتذاري لك على اللي صار
-ما عليك زود مافيه داعي للاعتذار لأن السالفة كلها وصلت عن طريق أختي
-من طيب أصلك أخوي كان ودي لو تشرب شي مو معقولة تطلع كذا
-ماعليه المرة الجاية لو فيه فرصة الحين مستعجل . عن إذنك
-الله معك جد سعيد بمعرفتك مو يقولوا رب ضارة نافعه ؟
-تسلم كلك ذوق ...( يقولها وهو يخرج من المحل فيقف وليد لملاحقته بنظراته التي ملأها شيء من الفرح وألف ألف هم وكدر )
وليد محدثا نفسه : عبدالرحمن الكسير ؟ ما لقيت غيره يا وليد ؟ ايش الحظ هذا ؟ إنت وييييين وهو وين ؟

( 5 )

ترررررررن ترررررن تررررن
أثير - ايوااا

جود - اهلين اثير

- هلا فيك

-اثير آآآآسفه وعدك اعدي عليك بس ما اقدر

ما عندي احد يوصلني اخوي المحترم مشغول مو فاضي لي

اثير ولي يسلم عمرك تعالي انتي ولله زهقانه وجالسه لوحدي
بعدين عندي لك سوالف كثيره
- بس انا متضايقه وعندي ظروف صعبه

- سلامتك من الضيق انتي بس تعالي واحكي لي

صدقيني راح ترتاحي ويمكن اقدر اساعدك بشئ

- اوكي جود بس استأذن من الوالده واعطيك خبر

- اوكي يآآآآآقلبي ولله فرحتيني انتظرك

- يالله بآآآآي
- بايات

بعد ساااعه

-هلا وغلا ويااامرحبآآآآآآ بأثير الحلوه هههه

- هلا فيك ولله

- تفضلي اثير حياك

- تسلمي يا قلبي
مشاء الله يا جود بيتكم يجنن فيه هدوء ومليان حنان

- تتريقين بيتنا وش يصير قدام بيتكم مشاء الله عليك

- لا ولله اتكلم جد بيتكم فيه شئ يعجبني كثير مرتب متناسق الوان هاديه كل شئ قريب لبعض

- وصغير وعلى قدنا هههههه
المهم يالله حياك فوق بغرفتي نأخذ راحتنا اكثر

في غرفة جود الصغيره جلست أثير تحكي كل تفاصيل يومها المزعج لصديقة عمرها جود وذرفة الدموع لتخفف عما بداخلها من خوف وحزن

جود - أثيـــــــــــــر خلاص ياقلبي لا تكبرينها
وذا فيصل مو عاجبك ارسليه لي انا موافقه ولله الرجال ما يتفوت
بعدين وكلي امرك لله ولله امك معها حق انتي ما تعرفي وين الخير فيه
ويلله عاد اضحكي بقولك سوالف تضحكك

أثير تبتسم وعينها مليانه دموع
-بقولك سالفه من سوالف اخوي وليد الى متعبني حيل

صح اكبر مني بس كأنه مراااهق ومغازلجي بعد
وينصب على البنات نصب شئ ما تتوقعينه
مره دخلت عليه بغرفته وكان فاتح جهازه بس ما كان موجود

تعرفين شنو جالس يسوي ؟

- شنو ؟
- جالس يحادث بنت على المسن

وحاط لها صوره تجنن ويقول هذا انا
لا بعد مغير اسمه وانه يدرس با الخارج
وكلامه لو تشوفينه تنصدمين واحد محترم
وشخصيه قويه ومثقف وشاعر بعد ههههه
والمسكينه مصدقه !
انقهرت وكنت بكتب واحذرها بس دخل وليد
طبعا بعد ما جلست انصحه هزئني وطلعني من غرفته
ما ادري وش الحل مع ها الولد متى بيكبر ويعقل

- ههه يمكن اذا تزوج ليه ما تزوجونه
- من وين للحين مو لاقي وظيفه من تخرج من سنتين

فجئه
صوت انفجار قوي خارج الغرفه

بوووووووووووووووووووم
تجري جود ومن خلفها اثير مفزوعتين
تفتح جود الباب بقوه
وذا بوليد يضحك بصوت عالي مشيراً الى قنبلة العاب ناريه في الارض
جود- وليييييييييييييييد حرام عليك!

مجنون انت ما تحس كنت بموت خوف
ولكن وليد سكت عن الضحك وعيناه تنظر لأثير التي تقف خلف جود
للمره الثانيه تلتقي عينى وليد بعينى اثير ويطول النظر
ولا زالت جود تنهال بغضب لتصرف وليد الغير متوقع


تنتبه اثير لنفسها وتتراجع للخلف وتدخل الغرفه

وليد - خلاص جود ولله اسف
وينسحب بكل هدوء ويدخل غرفته التى بجوار غرفة جود



يضرب وليد بيده على المكتب ويقول
حركه بايخه منك ياوليد ومن عنده عند ها البنت
وش بتقول عني اكيد تافهه ومجنون



جود - وليد !
وش قلت اسف غريبه !
يوه اثير نسيتها ؟

تدخل جود الغرفه مسرعه وتمسك بيد اثير الجالسه بصمت وقد وضعت يدها على قلبها الذي كان ينبض بدقات سريعه

- اسفه اثير حقك على
مو قلتلك حركات مراهق بس اول مره يسوي كذا ؟
- اثير اثير اش فيك !
- منو هذا ؟
- بسم لله عليك اش صار لك ؟
هذا وليد اخوي
- اخوك؟
- ايه فيه شئ
- انا شايفته قبل !
- وين ؟

- في محل بالمول !
- اييييييه ههههههه
خوفتيني حسبته مسوي لك شئ بعد انتي
ايوه عندنا محل عطورات وادوات تجميل لبوي واحيناً وليد يروح يجلس هناك
تعرفين عاطل ويروح يمارس هوايته المفضله يكشخ ويغازل في البنات
- بس مو على كلامك كان محترم و اضح ان شخصيته قويه

- هههههههههههههههههآآآآآآي حتى انتي بعد
لاحبيبتي اخوي يتصنع الشخصيه انا اكثر وحده تعرفه زين

- اثير بحزن معقوله !
اتفضلي اثير شاي يهدي اعصابك
- مشكوره

بس مصدعه حيل بروح لبيتنا
- لااااا ثير تونا وللحين ما تعشينا

الله يقطع ابليسك يا وليدوه خربت علينا الجلسه

- جود معليش خليها وقت ثاني جد راسي يعورني وما ني مركزه تعرفين اليوم كله نكد وتعب

- وكمل عليك هاالغبي وليد صح ؟

- لا جود بس ولله تعبانه بروح انام
- والعشاء
- بالعافيه تعشي انتي
بعدين انتي ما قصرتي بالحلى والمعجنات ولله شبعت

يالله مع السلامه السايق يتنظر تحت
- مع السلامه اثير واسفه للمره الثانيه
- ولا يهمك يا قلبي

بعد خروج اثير تتجه جود بغضب نحو غرفة وليد
تفتح الباب بقوه

- مبسوط الحين فشلتني عند بنت الناس وراحت ما تعشت
انت متى بتكبر وتعقل وتصير رجال ؟
- جود خلاص قلنا اسف بعدين وش عرفني ان عندك احد
بعدين مو انتي الى تقولي زمان عن الالعاب الناريه وكنتي تحبينها
- ايه بس مو كذا تخوفني
- منو هذي الحلوه ؟
- وليد الا هذي مالك دخل فيها
- طيب قولي منو ؟
- وليد ترى هذي بنت ناس ومتربيه احسن لك شيلها من راسك
- بس ابي اعرف منو بنته ؟
- انسى اقولك منو ولا تكلمني مدة اسبوع زعلانه حيل منك

قبل ان تخرج جود من الغرفه
وليد - هذي بنت عبدالرحمن الكسير ؟
- يمه منك مو ادمي شيطان كيف عرفت !

- هههههههههههه سبحان الله من شفت عيونها وانا عارفها
- عيونها وين شفتهم !
- في المحل
- عرفتها بعيونها بس !
- ايه
- حتى هي انصدمة يوم شافتك تقول انها شايفتك قبل في المحل
- بعد عرفتني
- ايه بس كانت شايفتك شخص محترم مو حركة البايخه اليوم
فشلتنآآآآآآآآآآآآ
- وعسى ما قلتي شئ ثاني عني ؟
- لا ما قلت شئ بس قلت انك مغازلجي
- ومنو سمح لك تشوهي سمعتي قدامها هاه
- انت
تخرج جود مسرعه الى غرفتها وتقفل الباب خلفها خوفاُ من وليد