ولك مشتاك الك انه اعترف مشتاك
افكر بيك صدك عايش بحركه
واذا واحدي ا ذكر اسمك يهزني الشوك
واحس كل الخلايا بجسمي محتركه
بعدهه ايديه ترجف من يمر طاريك
وبعدهه الروح ضلت بيك متعلكه
تذكر جنت اشبكـك وانصعق بيديك
واسافر للشمس من تكبر الشبكه
باوع جفك الجنت انه ابوسه هواي
هم تذكرني لو غيرتك الفركه
بوساتك بعدهه بجفي يمي تبات
وعطرك بعده يصعد بيه كل شهكه
غلط صار وظلم فرقنه ليش شلون
طحنه وللأسف وركه بأثر وركه
وي نفسي شكثر مرات احجي اعليك
وأرد ارجع واكولن هو هم حكه
تعب خلكي شكثر تعبني التفكير
خلكي من التعب مل حته من خلكه
انه اتنازلتلــك وبجروحي ارضيت
لان شفتك صدك مرتاح بالفركه
اريد الخير الك وتحب بعد وتعيش
ومرسومه تضل بشفافك الضحكه
خل يبقه الحزن طلقه ويه كلبي تنام
وخل يبقه الزمن شايل علي تفكــــه
باجر تعشك ويهواك غير انسان
واذا كلك يحبك مثلي لـــتصدكه



منقووووووووووووووووووووووول

الله يعطيك العافيه

مشاعر ماعادت موجوده

رغوووووود
اختي الكريمه عافاك الله
المشاعر مو جوده بس ما راح تلكيهه عند كل شخص
وحت الي عنده هيج مشاعر ما تكتمل كلها مرة واحدة
شكرا لمروجرالكريم نورت الصفحة
دمتي بود واحترام

نقلة مفعمة باحاسيس
ياليت تتوجد ها الايام ماي غير ؟؟؟؟؟؟؟؟؟؟؟؟


ياليت تقبل مروري

ولك احترامي

دموع الشوق
مرورج على موضوعي يزيده جمال
شكرا لمرورج العطر نورتي الصفحة
بتواجدك يالغلا