قـَدَر مصر



قـَدَر مصر دايمًا تكون الفناره ................

............... قـَدَر مصر دايمًا تكون الكبيره

عشان هيَّ كانت جذور الحضاره ............

............... وفيها العقول اللي كان مستنيره

وقادت سفينة التاريخ بالمهاره ................

.................. وسابت آثار تبقى لينا الدليل

ـــــــــــــــــ

ومكتوب عليها تنوَّر بصاير .................

............ وتحمِل على كتافها راية العروبه

ودايمًا لإخوانها تِبدأ تِبادِر ...................

................ تقدِّم معاونِتها لو فيه مُصيبه

وهيَّ الملاذ للغريب والمهاجر ..............

.............. ونيلها مفيش زيُّه ف الدُنيا نيل

ــــــــــــــــــــ

ولاكِن شقيقه وبتجور عليها .................

.................. وتِشتِم ولادها بأسوأ سُباب

لا بترُّد حتى ولا بتجاريها ...................

................ وكل اللي بتقوله كلمة عِتاب

ولا بتخاصِمها ولا بتعاديها .................

............. عشان فيه عراقه ومعدن أصيل

ــــــــــــــــــــ

وليه الشقيقه تِخاصِم شقيقه .................

............. وخلـُّوا العلاقه اللي بينهُم ضباب

ولو صِبْروا حبه وشافوا الحقيقه..............

.......... يلاقوا مفيش غير سراب في سراب

يا ريت كانوا منعوا الجريده المُسيئه .........

................ وخلـُّوا الصراحه تكوُن البديل

ـــــــــــــــــــ

هناك إسرائيل اللي شمتانه فينا ...............

..................... تشاهد نزاعنا بكل انبهار

وتتمنىَ نهْدِم بيوتنا بإيدينا ....................

................... وفرحانه إن البلاد فيها نار

ولاكِن حِبال الروابط متينه ..................

.............. وقطع العلاقه دا شيء مُستحيل

ـــــــــــــــــــ

ففوقوا يا ناس في اتجاه القضيَّه .............

........... دا إحنا المُعَادِي اللي قـُدامنا واحد

وإصحوا لكل اللي حاصِل شويَّه ............

.............. صهاينه بتِقـْتِلنا واحد في واحد

بنِدِّيها بخلافنا أكبر هديَّه ....................

............ وأصبحنا في وضـْع فعلا ًهزيل

ـــــــــــــــــــــ

دا ربك دعانا نكون مُسْلمين ................

................. ونبقى جماعه بعزم الرجال

ونمسك بقوه بحبلـُه المتين ..................

.............. ونِرهِب أعادي السلام بالقِتال

وننبذ خلافاتنا في كل حين .................

............ دا إحنا التاريخ اللي بينـَّا طويل

ــــــــــــــــــــــ

تعالوا نلملِم أيادي العروبه ..................

................. ونـُقـَّف جميعًا أمام الأعادي

وإن كان ف إيدنا عصايه وطوبه ...........

................ نحوِّلها مدفع تشِيلـُه الأيادي

نوَّحِّد جهودنا وبلادنا الحبيبه ...............

................ ونجْهَز بقوه وإراده وخيل