تَعَبت أشيـل الهَم عنّك وأداريك
وإنتَ همومـي ثقلَهَــا مـا يهمِّك !



لا يا ( حبيبي) .. الزمن لا يخليك
تقسى على قلبي وتسقيه سِمِّك !



[ دِ نْ يـَ ا كْ ] هذي , لا تغيِّر مباديك
مهما إستطعت الظلم إعدل بحكمك !



ما هي غريبه من يذمِّك يماشيك
لكن غريبـــه يمدحك من يذمِّك !!



ما كل واحد غاب معناه ناسيك
بعض البشر ينساك لو كان يمِّك !



أدري تعزني .. اللـه يعز غاليك
وإن كان لـي عندك معزَّه بضمّك!لمشاهدة الروابط والصور يجب التسجيل.



في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّك !



إسمك حبيبي ويا كثِرها أساميك
وقلبي يفز .. لا جابوا الناس إسمك !



ليتك تحس في ضيقتي يوم أحاتيك
أحرق لك أعصابي .. وما حَس دمِّك !



غايب بدون أعذار .. ربِّي يجازيك
عطني سبب مُقنع حبيبي .. وألمكّ !



همِّك , جنونك , ضحكتك , كل ما فيك
صوتك , سكوتك , وأرجع أقول :
( هـ مِّ كْ ) !



[لبيــه ] منِّك غير .. لمَّا أناديك
كن الكلام العَذب ... مرساه فمِّك !



مهما أغلوك قلوب ناسٍ حوالــــيك
أغليك أكثر منِّهُم بس .. لعلمك !



أبوك , خالك , إختك , أخوك , ماضيك
ربعك ، جميع النـاس, وعيـــال عمِّك !



.



.



شايف غلاهم لِك .. أكثر أنا أغليك



واللِّي وِصَل ( نِص الغلا ) يمكن أمّك !

ما كل واحد غاب معناه ناسيك ،بعض البشر ينساك لو كان يمِّك
الروح ابدعتي في هذه الخاطرة كل سطر فيها له معنا وتدل على ابداع
تقبلي تحياتي

مهما أغلوك قلوب ناسٍ حوالــــيك
أغليك أكثر منِّهُم بس .. لعلمك !



أبوك , خالك , إختك , أخوك , ماضيك
ربعك ، جميع النـاس, وعيـــال عمِّك !



.



.



شايف غلاهم لِك .. أكثر أنا أغليك



واللِّي وِصَل ( نِص الغلا ) يمكن أمّك !

.....................................

كلمات رائعة ومؤثرة وموضوع قمة في الابداع..

اختي الروح سلمت يداكي على هالطرح الراقي والجميل..

تقبلي مروري..

القلب الشجاع

الروح ابدعتي ورربي

يسلمووووووووووو اديك يارب


كل الود

يالغلآ صح لسانك (105)
ما هي غريبه من يذمِّك يماشيك
لكن غريبـــه يمدحك من يذمِّك !!
قصيدةرائعةبمعني الكلمة وفيها مفردات جات ع الجرح
يعطيك العافية
تقبلي تحياتي وودي
(113) غروووبة (113)

صح لسانكــــ

موضـــــــوع في غايةالروعـــــــــة

يسلموووو

دمتي بود