مهاجره بإحساس
11-13-2009, 12:36 AM
السلآإمُ عليكمَ ,
أسعدَ الله ( أيآمكمَ , وقُلوُبكمَ ) بكلْ خيرَ
عند الحديث عن الشعر بصوره عامه , والشعر النسائي بصورة خاصه ,
لابد من الوقوف على ضفاف هذه العذبه ..
أدركتْ لُطفْ الشعرَ , ودآعبتَ الأبجديآتَ وتنآغمتَ معهآ ..
[ العنوُد العبدالله ]
تتميزَ بـ :
إختيارها العذب لمفردتها ..
وهذا اهم أداه من ادوات الشعر ..
يأتي بعده , توظيفها للمفرده في قالب مرتب متسلسل ..
يطيب للقارئ قرائته دونما كلل او ملل ..
بإنسيابيه مدهشششه .. !!
بعد ذلك ..
تأطيرها القصيده بصوره شعريه تُريح عين القارئ ..
وتجعله لايود الخروج من وطن كلماتها ..
فهي تجعلك تقرأ وتسمع وتحس , في وقت وااحد ..
[ العنوُد العبدالله ]
هي الـ فصلٌ الخامس..!
و الحرفٌ التآسع و العشرون ..!
و الأعجوبة التاسعة ..!
من الظلم الاّ يتردد شعرها على مسامع الكل../..ومن الظلم الاّ نقرأها هنا..!!
إنتقآءآتَ من عُمقَ قصآئدهآ , وبعضَ قصآئدُهآ :
مُنتقآه لـِ ذآئقتكمَ النآضجه !
أن تروُق لكمَ : هوَ أمليَ .. لمشاهدة الروابط والصور يجب التسجيل.
معَ العلمَ :
- وقبل العلمَ - إذكروآ الله عليهآ ,
سـ تقرأونَ لـِ شآعره في عُمر الـ 18 ,
حمىَ الله قلبهآ , وقلمهآ , وفِكرهآ ..
مهاجره بإحساس
11-13-2009, 12:39 AM
عطني (امل واحد ) .. يخليني .. آعيش
ولاتـخـنقه يـدّك .. بحبل المعاذير ..!!
شفني .. بعد فرقاك .. آطيح بشويش
واخاف تصدف طيحتي .. ( جية الغير )..!!
ماطحت وآنا عزمي.. اصغر من الأيش !!
والحين طحت وللأسف.. عَـزمي ِ كْبير !!
ومن كثر مآنا ضعت ... / واعماني الطيش
إذا سألوني : (كيفك).. آجاوب ( بخيرَ ) ..!!
لمشاهدة الروابط والصور يجب التسجيل. (لمشاهدة الروابط والصور يجب التسجيل.)
مرّت دقايق صمت ... ثمْ بعْدَها ..(طْراااخ)
....................... راحوا .. وسكّر قلبهم دوني ....\ الباب !
ياجرحي النازف .. من اسبابهم ... آآآخ
................... الجرح يوجع جد .... لا جا من احباب
لمشاهدة الروابط والصور يجب التسجيل. (لمشاهدة الروابط والصور يجب التسجيل.)
ياصاحبي دام القلوب امتلت قبح ...............
لا تلومني .. لا حدّرت دمعتيني !!
القافله تمشي .. وماهزها نبح ...............
( المشكله .. \ لا خوّنت بي يديني)
لمشاهدة الروابط والصور يجب التسجيل. (لمشاهدة الروابط والصور يجب التسجيل.)
ماراح ادوّر بين الايدي ..\ اياديك
............... وماراح اقول ان الجفا حيل طوّل !!
بس كل سجده بدعي الله يشفيك
............... ( يارب .. \ ترجع مثل ماكنت اول )
لمشاهدة الروابط والصور يجب التسجيل. (لمشاهدة الروابط والصور يجب التسجيل.)
اقسى المشآهد .. مشهد انسان يقفي
............... ويترك بقايآ حلْم ...\ وانسآن ..خلفه !!
ياصآحبي... ذبحني البرد ... يكفي
............... الى متى وانا انتظر ... فوق شُرفه !!
( لاصآر شبآك الموآعيد .. مجفي
............... قل للشوآرع : تجمع اثنين صدفه ) !!
لمشاهدة الروابط والصور يجب التسجيل. (لمشاهدة الروابط والصور يجب التسجيل.)
ياصآحبي والشتآ ... مايرحم اضلاعي
............... وانته بحلم الدفآ .... دايم تعلّقني ...!
يذبحني البرد ... أو تذبحني اوجاعي
............... ماعاد تفرق معي ..وانته مفارقني ...!
لمشاهدة الروابط والصور يجب التسجيل. (لمشاهدة الروابط والصور يجب التسجيل.)
أنا من طين ... واحلام السعآده ... كلّها من ( طين ) ..! ............
تَهَدّم ... كلّ ماهبّت (مواجع) ..... والتحفتك ... شآل ...!
أشوف الحزْن فـ عْيون الصباح .. وطلّة ..( التشرين) ...............
وابعثرني على مينا الجروح ..... و أسمِعِك (يامال) ...!
واجي ببكي ... ولكنّي .. اذا اتذكرت ...: ( لااااتبكين) ...............
أردّ الدمعه لْعيني ...\.. واقول : ( البكْي ِ للأطفال ) ..!
لمشاهدة الروابط والصور يجب التسجيل. (لمشاهدة الروابط والصور يجب التسجيل.)
ياشرفة الغيّاب .. كم غايبٍ جآي...؟
...............وكم غايبٍ ... بيظلّ .. (ذكرى حزينه) ..؟
وكم من صبآح يمرّني ..يطْفي اشياي..؟
............... وكم شيّ مرّ الصبح .. واطفى حنينه ..؟
لمشاهدة الروابط والصور يجب التسجيل. (لمشاهدة الروابط والصور يجب التسجيل.)
صفّق بموجك / لموجك .. يزدهر دربه
............... لملم شتات البواخر/ شتت اللمه ...!!
رح صافح الغيم .. خل الشمس تفخر به
...............واضحك/ يسيل ( المطر ) ولهان من فمه..!!
قدامك الطفله.. اللي... تقهر الغربه
...............ولو البشر ضدها .. ماهي بمهتمه...!!
لاشافت ان الحمام يطير في سربه
............... ( تفرد يديهآ ) عشان تطييير وتضمه.!!
لمشاهدة الروابط والصور يجب التسجيل. (لمشاهدة الروابط والصور يجب التسجيل.)
لـ آمِالِنْا الـْ مَابِقَى يَاكُود .. ذَابِلْهَا
............... وآلامِنَا .. الـْ ذبْلَتْ آمَالْ .. بْـ أيَادِيهَا :
مَاكِلّ غِيمَه .. يِبِلّ الرُّوحِ .. وَابِلها
............... وما كِلّ وَابِل ... يِبلّ الرُّوحِ .. يِحْييهَا ..!
لمشاهدة الروابط والصور يجب التسجيل. (لمشاهدة الروابط والصور يجب التسجيل.)
تمطر ... وطفله فوق هذاك الرصيف
............... تتوسّد البرد .......\ وتضمّ كْتوفهآ ...!
اختارت العيشه على كسرة رغيف
.............. بس ماتمدّ لأيّ شخص ..... كْفوفها....!
لمشاهدة الروابط والصور يجب التسجيل. (لمشاهدة الروابط والصور يجب التسجيل.)
حبايبنا .. وطاحت مِنْ غُصُون العمر .. ذكراكم .......
حبايبنا .. وِنَاحَتْ مِنْ غُصُون الذّاكِرَه .. وَرْقَا
تعبنا نِشْعِل التّلوِيح .. فِي عتْمَات مِينَاكم ...............
ولا رجّع لنا .. " انتُم " ولا .. أحْلامَنَا الغَرْقَآ
وِرِحْناَ نْصَافِح اصْوَرْكم .. رِسَايلْكم .. هَدَايَاكم ........
إلَىْ مَافاح عِطْر اشْيَاءَكم ... بِكْفُوفِنَا العَرْقَا
حَبَايِبْنَا .. وِكِلْ مَا اعْشُوشَبَتْ لحْظَه بِطِرْيَاكم ...........
تطيح دْموعَنَا منْشانِكُم .. ولْـشَاَنَكُم .. تَرْقَا ..!
رحَلْتُوا .. والطّريق الـْ بَرْوز آمَانِيه بِخْطَاكُم ...........
يِمُوت مْن الأسَى .. مِثْل الأمَانِي لِيلَة الفَرْقا ..!
لمشاهدة الروابط والصور يجب التسجيل. (لمشاهدة الروابط والصور يجب التسجيل.)
لايضيق الصدْر .... من كثر الجراح
.......... ولايموت الورْد ..... من خنق اليدين ...!
الصبآح .. اليوم ماكنّه ... صبآح
.............. كيف اروح الجامعه ... وانته حزين ؟
لمشاهدة الروابط والصور يجب التسجيل. (لمشاهدة الروابط والصور يجب التسجيل.)
ياحبيبي ... يابو القلب .... الجليييد
.......... كلّ عآم ... وإنت ناسيني ....\ وانا
كلّ عآم ...اذْكرْك ...وابدا من جديد
.......... وكل ّ عآم .... اعيّد ...\ بجرح وعنآ
آآآخ .. ياطعم الحزن .. واليوم عيد
.......... ودي ابكي .... { لكن اخواني .. هنآ ..!
مهاجره بإحساس
11-13-2009, 12:43 AM
هنا برد ... ولبس صدر السما ... هالليل
................. هنا الأشياء .... تِتْعاتب ...... مع الأشياء ..!
هنا ضوضاء ... محتاجه هدوئي ... حييل
................. هدوئي لااازم يشتّت ...... بَعَض ضوضاء ...!
هنا [ عتمه ] ..... \ وانا في داخلي قنديل
................. انا عتمه .... ومن حولي .... [ كثير اضواء ] ...!
هنا كذّب عليّ [ ابريل ] .... وراح ابريل
................. وخلّاني [ لبيبه ] ....... \ خااانها الإيمااااء..!
ربع ساعه ... وتجيني [ النادله ] .. بتْشيل
................. بقايا قهوتي ..... : [عفواً أبي لي ماااء ]...!
نشَف ريق الشعور ... وحاجته .. [ تبليل ]
................. هلَك جسم القصيد ..... وصاااابه الإعياااء ..!
تعبت آفضفض دْموعي ... [ لصدر منديل ] ..!
................. تعبت آقول للفرحه ..... : أبي أصدااااء ..!
تعبت آشّد من حيلي ...... وطاح الحيل
................. تبعثر لين صار اشلاء .... فوق اشلاااء ...!
انا ماميل لاقام [ الشعور ] ....... \ يميل
................. انا مابوح لا شفت الصدور ....... [ اعداء ]..!
اصبّ [ النور ] ... في كفّ الفجر... ويسيل
................. اصير ارجاااء ... لا ضاقت بهم .... ارجاااء ..!
انا جيل بأحاسيسي .... يـا أغرب جيل
.................انا [ الإيه ] .. الوحيده ... في زمااان [ اللاء ]
انا اكرم [ حلْم ] ... والواقع معاي بْخيل
................. انا اوعى عقْل .. واحتاااجِ لبَعَض ..\ [ اغماااء ] ..!
لمشاهدة الروابط والصور يجب التسجيل. (لمشاهدة الروابط والصور يجب التسجيل.)
مهاجره بإحساس
11-13-2009, 12:44 AM
محتاج(هـ) لك.. والحاجة أم الاختراع
ياللي تسافر كل ما .. إحتجت لك
ماقلت لك إني مـ أتحمـل وداع
وداع ما أتحملـه .. ما قلــت لك ؟
الطير بين الغيم واطراف الشـراع
والموج . والورد الندي اللي جبت لك
كل حاجة تردد وراي بـ إنصيـاع
اشتقت لك .. اشتقت لك .. اشتقت لك
ياللي حضورك قوت.. وعيوني جياع
تبي الصراحه ؟ .. كل أبوني جعتِ لك
ضي .. وعليها..آع.. تعطينا ضياع
وانا انطفى ضيّي كذا .. من ضعتِ لك
اشعلت لك قلبي من اللهفه.. وماع
ليته مَ ماع ..وليتني ..مَـ اشعلتِ لك
في وقت صار الكل.. لبّيسة قناع
مع إني جدًا واضحة .. وضّحــتِ لك
ان المطر ينزل عشان.. الإرتفآع
واني على شان ارتفع .. نزلــتِ لك
وان ضيقتي لابد معها.. اتسـاع
وان اتساعي يْزيد .. كلْ ماضقتِ لك
كلْ ما افوق.. يموت في عيني.. شجاع
وكلْ ما اموت شوي قمت..وفقتِ لك
امتع خطايا حبي.. لك.. الاندفاع
واخطى مُتَع حبك .. ليا فضفضتِ لك
رددت لك.. سافر وضيعني وضاع
وانا اختنق بشويش .. لا رددتِ لك
ياللي ذبل تشرين.. من قلت : الوداع
لا تْقول بعـــدين : انْ انا ما قلتِ لك
إما لجِل اوصَلْك.. بَعْمَل اختراع
والا لا عاد تسافر.. اذا احتجتِ لك
لمشاهدة الروابط والصور يجب التسجيل. (لمشاهدة الروابط والصور يجب التسجيل.)
مهاجره بإحساس
11-13-2009, 12:46 AM
لحظة وطن.. مادامك اليوم مهجور
بامني المنفـى .. وانفـي الأمانـي
طاحت من اكتاف التعب اربع شهور
وصاحت من اتعاب الكتوف السواني
وصار الحزن شباك والصمت ديكور
وبكـاي ترتيلـة مطـر للمـوانـي
والدمع شمع ومعظم احيـان بلـور
يتمرجح اهدابي ليـا مـن بكانـي
كل ما اغني يختنق صوت عصفور
وكل ماسكت تموت فينـي أغانـي
وكل مامكاني يجفي اصابـع النـور
اشعل اصابيعـي واجفـي مكانـي
ومن كثر مانا طاغيه حس وشعـور
مابي هلـي يـدرون انـي اعانـي
اطلع ابروز ضيقتي فاخـر السـور
ايليـن تبكينـي السكـك والمبانـي
وارجع والقى ياوطن ضيق منثـور
اسمع ولا تنثـر دموعـك عشانـي
طفلتك ماتملك سوى حلم محصـور
وشويـة العـاب وحكايـا موانـي
تحضر غياب وتلتحف غيبة حضور
ينسونهـا وتقـول محـد ٍنسـانـي
تحلم وتخنق حلمها وحشـة الـدور
والمدرسـه وهـواش أبلـه تهانـي
وعلى كثر مابلل اطرافهـا النـور
تفـرد اصابعهـا وتطفـي معانـي
وعلى كثر ماتترك الصبح ممطـور
تذبـل لان الصبـح دايـم أنـانـي
مامات من برد الصباحات عصفور
بس هي ماتت من كثـر ماتعانـي
لمشاهدة الروابط والصور يجب التسجيل. (لمشاهدة الروابط والصور يجب التسجيل.)
دمتمْ بروعه ,
وديْ ..
S wa7
11-15-2009, 01:28 AM
مشكوره اخت مهاجره على ملاحظاتك
واتمنالك التوفيق
تحياتي (114)
مهاجره بإحساس
11-15-2009, 05:33 AM
اشكرك على المرور يا اخوي
تحيتي لك
جــjrooh ــروح
11-15-2009, 06:31 PM
ياصآحبي والشتآ ... مايرحم اضلاعي
............... وانته بحلم الدفآ .... دايم تعلّقني ...!
يذبحني البرد ... أو تذبحني اوجاعي
............... ماعاد تفرق معي ..وانته مفارقني ...!
هجوووووووووووورهـ
كل حرف انسجم معاه حسيت اني بعالم ثاني
ماقصرتي يالغاليه
ذوووووووووووق x ذووووووووووووق
وماشاءالله عليها ..
كل الغـــــلاا
جوجو
مهاجره بإحساس
11-16-2009, 07:58 AM
جــjrooh ــروح
منوره الموضوع ..اشكرك على مرورك يالغلا
لاعدمتك
غربة الروووح
11-16-2009, 09:27 AM
ماشاءالله عليهاجد مبدعه
ربي يوفقهاوتصل لأعلي المراتب
(114)
مهاجره لفته رائعة منك
ربي يسعدك وين ماتكوني
وأنتي الذوق كله
تقبلي تحياتي وودي
(114)
غروووبة
مـجـنـون
11-18-2009, 08:43 AM
يعيني يعيني ع هذا الابداااع
دااااائما وااااابد تتالقين بهذي الابدااع
ياااسلام عليج يالغلا
اقف احتراما لروعة ماانسجتي
شكرا لك
مــجــنــون كان هنا
أمـــــير الذوق
12-20-2009, 05:54 AM
مشكوره يالغاليه ع الموضوع آلآكثر من رآئع
وآلله يعطيك آلعافيه ويسعدلي قلبك دوم
وصح لسآن آلعنود آلع ـبدالله ع كل حرف
بجد مآآآآآآىشآء الله عليهآ عيني عليهآ بآرده
وبجد أبيآت من ذهب ودوم الشعر آلنسآئي
عآطفته قويه وتعجبني حيييل
وأكثر قصيده أعجبتني اللي مطلعهآ يقول
لحظة وطن.. مادامك اليوم مهجور
بامني المنفـى .. وانفـي الأمانـي
تسسسسسسسسلم يمينك ع هيك موضوع
وآلله لآيحرمنآ أبدآعاتك
ودمتي بأغلى ود وحب
أخــوك آلمحب دوماً وأبداً
أمــير آلذوق
مهاجره بإحساس
12-21-2009, 03:55 AM
غربة الروووح
يالله حيها
اشكرك يا عسل ع المرور
تحيتي لك
مهاجره بإحساس
12-21-2009, 03:56 AM
يسلموو يا مجنون
الروعه تواجد ك يا اخوي
تحيتي لك
مهاجره بإحساس
12-21-2009, 04:01 AM
امير الذوق
تسلم لي طلتك
اشكرك على مرورك
تحيتي لك