سرحان- الووووووووو السلام عليكم
سرحانة - وعليكم السلام يا حبيبي

سرحان - عاملة ايه يا حبي اخبارك ايه؟
سرحانة - والله ابن حلال لسة كنت هرن عليك الوقتي وحشتني الاول

سرحان - متشوفيش وحش يا حياتي ايه طمنيني
سرحانة - انا زعلانة قوي لان بابا زعق لي كتير وانا كنت مصرة اروح لبيتنا

سرحان- لية بس في ايه يا بنتي مش آخر مرة صالحتكوا علي بعض
سرحانة - لا يا عم ابوك بيحاسبني عالكهربا وبيقولي انتي سحبتي كهربا كتير

سرحان - هههههههههههه كهربة ايه يا بنتي مش لنا عداد خاص بالشقة بتاعنا
سرحانة - ايوة بس الكشكلة ان شقة بابا وشقة اخوك سحبوا بـ 30 جنيه وأنا سحبت بـ50

سرحان -50 ليه علي العموم عادي ادفعيها انتي بلاش بابا يدفعها انتي عارفة الناس الكبار دوووول
سرحانة -منين يا حبيبي انا كنت هقولك ابعت فلوس في اقرب وقت

سرحان - فلوس ليه يا بنتي مش انتي قبضتي المكافأة مع المرتب وقولتي لية انا معاية 950 جنيه هحط 500 في الدفتر
سرحانة - اصل يا حبي مروة صاحبتي كانت محتاجة 150 جنيه

سرحان -خلاص مش مشكلة اعطيها الناس لبعضها وهية جدعة هتردهم اول ما تقبض
سرحانة-لا ما انا اصلا كنت واخداهم منها

سرحان- خلاص يا ستي بس انتي مجبتيش سيرة ما علينا معاك الباقي
سرحانة -ما انا قولت لها لو عايزة فلوس تاني خدي اخدت كمان 100 واشتريت عباية تحفة بـ140 جنيه بس كان عرض

سرحان -أممممممم طيب بلاش تحطي فلوس في الدفتر المرة دي الباقي معاك مش كده
سرحانة- بس انا دخلت جمعية مع زمايلي في الشغل اصل الاستاذ الشحات بيتجوز الجمعية بألفين جنيه واحنا عشرة دفعت 200

سرحان-طيب يا بنيتي احنا مش محتاجين لجمعيات ولا الكلام ده ممكن تزعلوا من بعض بعدين
سرحانة -الا مش انت الي قلت الناس لبعضها

سرحان -طيب مش مشكلة ممكن تدفعي فلوس الكهربا بقي قبل ما تطلع حاجة تانية
سرحانة-انت فاكر العباية الي كانت عجباني وانت غيرتها عشان لونها شديد الزيتي أنا خليت ام حسين تعملي عباية علي مقاسي بنفس القماشة وعملتها ب 120 بس

سرحان -ولما انا غيرتها انتي جبتيها ليه عموما تدوبيها في عرق العافية وبعدين انا فاكر انني قلت لها 90 جنيه بس
سرحانة- يا عم الدنيا ولعت في الشهرين الي انت مسافرهم وكده الفلوس خلصت مني يا حبيبي

سرحان- انا بقالي شهر ونصف عموما فداك يا حبي بس كدة لما نجمعهم نقول 150+100+140+200+120=710 -950=240جنيه طيب ادفعي الكهربا وانا هبعت فلوس قريب
سرحانة- ايه ده انتي بتحاسبني بعدين انت غلطان في الحساب تعالي نحسب تاني[/color

]

وقعد سرحان يحاسب سرحانة في المكالمة بعدما كانت مفروض تكون موجزة لانها بالتلفون طولت لما الرصي بتاع سرحان خلص وموصلوش لحل غير انهم عملوها مشكلة وزعلة خايبة
والوقتي بالله عليكم ده كلام معقول الي حصل انا سايب الحكم لحضراتكم وانا هخلي سرحان يقبل بحكمكم ولازم سرحانة كمان تقبل بنفس الحكم
دمتم بخير ولنا عودة مع سرحان وسرحانة
إلا بالحق مش سرحانة قالت عباية في الاول طيب امال العباية التانية تبقي ايه مش هية نفس العباية؟؟؟