انا ماني بعبدن لك.. ولانـي هايبـن شـرواك
على مثلي تجـر السيـف يامجنـون وتسلّـه
تخوفني من فراقك ! تبينـي اشتكـي فرقـاك
ولي من غبت عن عينك تسوق الدمـع وتهلـه
تماطل في مواعيـدي.. وتوعدنـي ولا القـاك
وانا اللي سقت لك عهدي على طول المدى كله
وش اللي صار لك فجأه ؟ تغيّر كل شي بدنياك
تجافيني وتهجرني وانـا اللـي علتـي علـه
تبي تقطع حبال الوصل.. لابو من هو اترجّاك
انا مابي الوصال اللي يوطي الـراس ويذلـه
خساره يوم انا قلبي ومن دون البشـر نـاداك
وظنيتك حبيب(ن) لـه تعـاف الغيـر وتحلـه
نعم حبك محبة صدق.. لاخانك.. ولا جافـاك
غديت النبض في جوفي.. وتسوى عالمي كله
وغرّبت العمر لاجلك.. مشيت بدنيتي لرضاك
عطيتك فوق مايعطـي محـب ويبـذل لخلـه
عليك آفتح عيوني.. واغمضها علـى ذكـراك
ولو مني تبي عمري اقـول لخاطـرك شلـه
حشا ماعاتبك قلبـي.. ولا لامـك ولا عـاداك
يسوم العمر في حبـك.. يلـم الشـوق ويفلـه
يبست من العطش وانته ترجّع خطوتي عن ماك
تُرد اللي هوى حبك غدا لـه شمسـه وظلـه!
انا وش حدني اقبل عذابي في الهـوى لـولاك
انا مدري يهون الحب فـي لحظـات وتملـه
وانا وش حدني ارسم خيالـي فيـك واتمنـاك
مدامك في الهوى ظالم.. وزلـه عقبهـا زلـه
حلفت اليوم ياقاسي لقطّع صورتـك وانسـاك
وعهد الحب لي بيني وبينك في العطـش بلّـه
تعذّب كثر ماودك.. ولملـم حسرتـك ويـاك
صراخك مايرجعني.. تعرف الـدرب وتدلـه