مشاهدة النسخة كاملة : أحلى المسجات ........


هاجس الشمال
08-14-2003, 12:30 AM
السلام عليكم ورحمة الله وبركاته

من اجمل الابيات الشعرية

ياكثر مانذكر من الناس غالين تحت الثرى ماعاد فيهم رجوعي

اموت بعيونك ولاهان باقيك كلك حلو بس الحلا في عيونك

انساك لحضه واذكرك باقي العام حتى وانا ناسيك نسيت وذكرتك

انت في حبك مثل مد وجزر لاتجي كلك ولا كلك تروح

منهو حبيبك غايتي بس اهنيه على حسن حظه عشانك حبيبه

اشوفك حلم مثل احلام خلق الله لاني بطايلك وان فتحت ضيعتك

ناسن لها بالقلب حشمه وتقدير وناسن تجي وتروح محدن فقدها

اضحك حبيبي دام وقتك مسليك بكره تموت من القهر لانسيتك

جوهره وشلون تمشي على القاع حسبي على من جابها من بحرها

كان الامل في شوفتك يوم فرقاك الله يجيب موادعك لجل اشوفك

اقبلت مثل اللي يبشر بمولود واقفيت مثل اللي يعزي بغالي

تعبك راحه واحبك مهما تتعبني شفت الغلا كيف سوا من التعب راحه

من يقول انك تكون من البشر البشر من طين وانت اصلك ملاك

ياحبيبي لاتقارن بين حب امك وحبي اخاف من عينك تطيح الامومه

لاجيت انادي غيرك اخطي واناديك من زود حبي لك نسيت الاسامي

احاول ابعد عنك من كثر ما اغليك عكس البشر خايف غلايا يضرك

كل غايب يغيب الا غيابك حضر لك حضورن في غيابك حسبي الله عليك

امر تدلل بس لاتطلب الشوف وشلون اشوفك وانت ماخذ عيوني

خذني لدنيا بعيده مابها غيرك ماودي الناس في شوفك تشاركني

القلب يجبرني عليك انت بالذات ولا العرب واجد وغيرك مزايين

انا غريب ولي بناظرك ديره ماشفتها في ناظر فلان وفلان

ابشر بعزك لوتبي الجدي وسهيل انا خويك لا ادبر الوقت وافي

قالو حبيبك يسمع الشعر قلت ايه يقراه بعيوني قبل تسمعونه

اقصد بغيره وكل القصايد تجي فيه كن القصايد حالفه ماتخونه

لا بلاك الله بعاقة...من مقاريد الرفاقة... لاتوريه الحماقة... لين ربك يقلعه

قال انا كني غريب ضيع دروب المدينه قلت انا كني مدينه تنتظر رجعت غريب

تضحكني الدمعه ويبكيني الضحك دمعة وفي ولا ابتسامة منافق

من اول ياذيب تفرس بياديك واليوم جا ذيب عن الفرس عداك

ياليتني بينك وبين المضره من غزة الشوكه الى سكرت الموت

رمح الشمال اللي طعن مهجة الغيم شق السحاب وسالت الشمس منه

اصبر لي شوي لو دمعي تثاقلته بحاول استوعب اللي صار قدامي

فمان الله ياحب وقف ماكمل المشوار عرفنا مفرق الدربين ولا يحتاج تكميله

مشغول بالي ليه مشغول بالي والبارحه قلنا خلاص ونسيته

رفيق لا خسرته خسرت العمر كله ورفيق لاخسرته سلمت من الخساره

اذكرك وابكي على كل مافات ولولاك ماتبكي على شي عيني

كان الهوى نعمه بحطك نعمة الرحمان وان كان الهوى غلطه بحطك كل غلطاتي

يا ابن الحلال انت وش تبقى بهالدمعه بتموت ولا شفت دمعة ذل في عيني

الهوى فني وقلبك مسرحي والعيون النص والشوق الكلام

اخاف اغمض عيوني وان رمشت افقدك واخاف افتح وتصبح حلم ولا التقيك

تعبت ارحل مع وجيه البشر بنساك بالترحال ولا ادري وش يجيبك في وجيه الناس واهلي

لو لا العيون ليا بكت جابت عيون والله لبكي لين اشاهد عيونك

الموت ماهو طعنت السيف والرمح الموت عينك يوم ترخي هدبها

احس بغيبك غربه وضيقه مالها آخر احس اني بلاصحبه وشكلي يكسر الخاطر

انا اتحسر يوم رحتي واعاني وانتي على عرش الفؤاد استرحتي

اوادعه وامشي واقول انتهينا ومن باكر ارجع واتاسف واراضيه

الليل من دونك ترى شين ومخيف وشلون اقضي تالي الليل دونك

يذوب قلبي في نواظر عيونك واشتاق لك شوق الغريب لدياره

اقعد واشب النار واذكر وليفي وبحجة الدخان ابكي على كيفي

ودي اشوف من صار بعدي حبيبك وتشوف حالي بعدما حنا افترقنا

صورة قديمه رجعتني لماضيك صورة قديمه للورى رجعتني

بكيتني وانا احسبك تكره بكاي اثرك تلذذ في دموعي وانا ابكي

شفتك معه وصديت عنك واقفيت اخاف اموت من القهر في مكاني

صوتن سمعته تل قلبي من اقصاه لو لا ضلوعي راح قلبي مع الصوت

ياذيب انا بوصيك لاتآكل الذيب كم ليلة عشاك من عقب المجاعه

يقولون اني قدرت انسى حبيبي واشتري فرقاه لك الله مانسيت الا سواد وجيه عذالي

ياعنود بعض الشقا شوفيه في عيني والبعض الآخر احب الناس يقرونه

لاتشتكي هالوقت معروف تاليه هالدنيا والله ماتساوي كدرها

نفسي اعرف غلطتي وشهي معك قبل ابتعد عن حياتك واستخير

لامايكفي معك بعض الاوقات خل التغلي عنك لاصرت غالي

ابيك بس لحضه معي وانت صديت وش فايده نجوم الليل لاقفى قمرها

قلت لك الف مره لاتجرب غلاك قلت لك لاتغلى منت ناقص غلا

جعل عينن عقب فرقاك تفقد بصرها عينن بلا شوف الحبايب مالها قيمه

حبيتك الوقت كله مابقت ساعه تركت لك هالدقيقه حبني فيها

اكرهك واحبك ولا ابيك وابيك لخبطت فكري ماعرفت الحقيقه

تدري لو الحب في يوم يتكلم كان قال شوي خف الله يهديك

وصفك يعجز شاعر الانس والجن والله مدري بالشعر كيف اطوله

راسي ولو شح الزمن ماحنيته مابقى الا انتي توطين راسي

مادام لي يوم واحد في العمر باقي تظل بين البشر للموت معشوقي

مابيك تسألني عن الشوق ياشوق من نظرت عيوني تعرف الاجابه

موت البشر واحد وانا اموت آلاف ياعونت الله ويش انا عايشن له

لاعاد تذكرني ولا عاد انا اطريك خل الجفا والبعد مسك الختامي

ارى في عينيك حدائق من شعر فلولا عينيك فلا شعر يكتبو

ارقصي بين الثقه والغلا والاندفاع سجلي للشمس في دفتر الظلما حضور

حياتي لو تجاهلتي غلاك بقلبي المجروح ترى اغلى ماخلق ربي في هذا الكون انتي

المزايين بشوفك صارو لك عبيد حتى القمر يوم شافك انجلا

ماواحدن قبلي عشق عيب غاليه انا الوحيد اللي عيوبه عشقها

لحضه هنا مفروض توقف وتفهم انك تموت ولا تثير اهتمامي

نويت ابدا الكلام وماقبل الكلام شعور يموت بداخلي واخفي من اللوعه تعابيره

حنيت لك راسي محبه وتقدير ولا تحسبنه في خضوعي مذله

لامر طيف اللي ذبحني هواها ادور الحاجه وهي في يديني

هذا واهو طيفن يجي من غلاها وشلون لو تقبل علي وتجيني

بدايتها عتب والعاشق اعمى والزمان بخيل نهايتها مواجع توقظ النايم وتسريبه

لك بسمة لو وزعت للمخاليق كان انطفى حزن القلوب ونكدها

حبك رصاص مسدس كاتم الصوت يرمي الهدف بالصمت حتى يصيبه

وشلون اشوفك وانت لعيوني الشوف عمرك سمعت بواحدا شاف شوفه

لاتفرحين بضيقة الخلق يابنت بكره تبدل ضيقتي بابتسامه

من عيوني خذ مراسيل الغرام كان تفهم في لغة حب العيون

كانك على قولك تمنى لي الخير ساعدني انسى حبك اللي خذاني

كرهني بنفسك ولو بذنب صغير القى به اعذاري واعود لزماني

مبطي وانا لك ياهوى البال مشتاق شوق العمى لمعانق الشوف لحضه

انت الذي لاثار دخان بارود احذف عقالي والتفت وانتخيبه

وقت الشدايد خلني سيف يمناك وابشر بعزك كل ماصرت سيفك

نجحت في حبك بتقدير ممتاز لاكن عساي القى في قلبك وظيفه

انا مجبور في حبك ولا تسأل تقول شلون خطاك انك تبي تعرف مكانك وين في قلبي

لابد يوم يجي وتواجه الدمعه اما على جيتي والا على فراقي

ان كان شفتي في وصالك لي احراج في صمت احبك بين قلبي وبيني

مشتاق اشوفك يابعد كل الاصحاب ودي بشوفك ماتفيد الرسايل

كانك هقيت اللي بقيته مستحيل حنا ترا نقدر نحطه بين يديك

مادام ان الامل في شوفتك ياصاحبي مفقود دخيلك من حنان الصوت لاتقسى وتنساني

تلعب بقلبي لعبة الطفل بالطير يضحك وطيره ميتن في يدينه

حبك بقلبي مثل وشمن على كف يموت راعي الكف والوشم باقي

فكرت بالدنيا بلياك وشلون وبلحضه التفكير هلت دموعي

انت الفرح دايم لاصابني ضيق وانت السند لاكشرن سود الايام

عز الله اني ذاخرك للزمن سور ملجأ ليا ضاقت علي الوسيعه

احرص على اللي دايم الدوم شاريك واحذر من اللي لاقسى الوقت باعك

في ذمتي انك دوا القلب والروح لاشفت رقمك شافت النفس راحه

اكبر فخر للمرجله يوم نطريك واكبر فخر لعيال عمك وجودك

سمعت صوت الباب وانا احسبك جيت اثر الهوى والباب يلعب عليه

من حبكم قمت البس الثوب مقلوب وانشد عن الغتره وهي فوق راسي

لوكان قلبي ناوي اليوم ينساك لقطع عروقه وانزعه من مكانه

يازين صوتك لاعبر بين الاسلاك وشلون لو حطو مع الصوت صورة

انا شبابك لاغزا راسك الشيب وانا عضيدك لو تدور الليالي

اتعبني الحلم لين الواقع انكرني كني مسكت الفرج بيدي وهديته

انا اذكر يوم جيتيني وبصدرك نزيف طعون سحبت السيف ابفزع لك وبسيفي طعنتيني

قبلك وانا بعض الجمال التفت فيه وعقبك ظهر في كل من شفت عيبه

تعال واللي طرا في خاطرك سوا موتن بقربك ولا عمرين من دونك

روحي وغيبي واختفي عن حياتي مهما ابتعدتي ماتعدين الاهداب

كمل جميلك واحفر القبر لاهنت وشلون اعيش بدنيتي دون لقياك

ياليتني لابقيت اكره قدرت اكره ماكان قلبي ليا جيت اكرهك عيا

على كف الغلا شلتك وحطيتك وسط عيني اداري خاطرك واكسر خواطر ناس تغليني

ياصاحبي ماهي حكاية كرامة حنا خسرنا بسبتك ناس غالين

مسكين في غيبتك ماشفت وش فيني ترحل علي هالمزاج بكيف رغباتك

ليه اترك ايامك تبخر مع الريح وانسى وجودك بالحياه ابسهوله

ادري انك تحب الخاين اللي غدربك بس كمل طريقك وارفظه من حياتك

يمطر لغيري من حنانك سحابك ويموت قلبي ظامي بين اياديك

شعوري لو يمر عندك اكيد انك تبي ترقع تبي ترفع تعز نفسك تلاقي حضرتك ساجد

بشرب من الدله لو كان بها سم......ما اهز فنجالي ولا اقول كافي

مادامه بيمناك وتقول لي سم...... بسم الله اشرب وكل سم عوافي

لو بحر الهوى غدار انا ياصاحبي عوام دام عيونك المرسى سنين العمر مجدافي

عذبني اكثر لايهمك عذابي ازعل عليك ايام وارجع واحاكيك

ما كل من حبيتي يذكرك بالخير بعض البشر بنساك من يوم تمشي

من يكتب الماضي على كف يمناه يلقى شماله تشتكي من يمينه

اللي ستر عيبه عن الناس بهدوم وش يستره لاصار عيبه كلامه

ياشينها لاصرت للناس محتاج تصغربعين الناس من شان حاجه

جيت المكان اللي قعدنا به اوقات وعجزت اقعد في مكاني دقيقه

بعيونك القى كل عمري والايام وبفراقك يموت الامل في حياتي

حبك رسم كل الوفا في معانيه مليون احبك والف مليون ثاني

اخاف ابين حناني ثم تتكبر واخاف ابي قسا قلبي وتنساني

قلبي معك لو شفت حسي مع الناس ماغاب طيفك عن خيالي دقيقه

ليت المسافه بيننا بس مترين يمشي متر وامشي متر وانتلاقى

تقول ساعدني وانا اقول وشلون لو اقدر النسيان ساعدت روحي

خل العناد اللي براسك يولي اخاف لاتصغر بعيني واخليك

انا افكر كيف ازيل المنحدر من الاساس والاغبياء لاهين في لذة صعود المنحدر

شافوه بعيوني وقالوا فضحته وشلون لو شافوا بقلبي طعونه

ماقلت لك عمر سيف العشق مايقتلك ماتشوفني حي قدامك وانا اموت فيك

مايخلي حالة الرجال حاله غير بنت في مواقفها رجوله

ما احد خذا غيرك من الناس عمرين عمرك وعمر اللي معاك فات كله

كلك تعالي غلا والا ارجعي كلك بعض الغلا منك مايستاهل الجيه

رح وين ماتشتهي رح قد ماتقدر انا اول الناس في قلبك وانا الباقي

ماقلت تكفى ولاني قايل تكفى هذا انت غالي قريب وتبتعد غالي

فيها غنج ساذج على ملعنة جد على شوية شيطنة مع شقاوه

ماضمك الا امك وابوك وسريرك وماشاف زينك غير اخوك وخواتك

حتى الغلا في غيبتك قال وين انت حتى الشعور يظيعك ثم يلقاك

روحي وغيبي واختفي عن حياتي مهما ابتعدتي ماتعدين الاهداب

تحياتي (67)

هاجس الشمال

روح الحب
08-14-2003, 02:15 AM
الله
يسلمووو هااجس

خلاص والحين يوم نبي نرسل ماعلينا الا نفتح المنتدى ونطرش مسجات

مشكور اخوي
ويالله اللي عنده مسجات حلوه يحطهم ونستفيد منهم

اطيب الامنيات لك بالتقدم

روح الحب

SaLoMi
08-14-2003, 02:56 AM
يسلمو هااجس
ويعطيك الف عافيه اخوي

وننطر جديدك


تقبل تحياتي


SaLoMi

.

هاجس الشمال
08-14-2003, 03:21 AM
السلام عليكم ورحمة الله وبركاته

يسلمو روح الحب

يسلمو سلوم

وإنشاء الله فيه المزيد

تحياتي

هاجس الشمال

مـ الليل ـلاك
08-17-2003, 08:50 AM
مشكووور هاجس الشمال على المسجات ...
يعطيك الف عافيه ...



لكم تحياتي ...(24)

هاجس الشمال
08-18-2003, 04:34 AM
السلام عليكم ورحمة الله وبركاته

يسلمو اختى ملاك على مرورك

تحياتي

هاجس الشمال