...حـــــــــكاياتي...

ركبت البحر وشراعي هواك ومركبي صدرك....أول دروبي ابحسك إلين أوصل بداياتي

أشوف الكون بعيونك وأعيش سنيني ابعمرك....يطل الصبح من وجهك وتحلى بليلك أوقاتي

بدونك فرحتي تذبل وأظل أسقيها من صبرك...وأهجر كل شيء فيني عيوني...شعري وشفاتي

ولي شفت الزهر يرقص أتوه بنفحه من عطرك...ويوصلني صدى صوتك يطاردني بمتاهاتي

تناديني بدفا شوقك وأنا بردانه من هجرك...وأحس دفاك يبعثرني ويلملم باقي شتاتي

وأصير برجعتك طفله أداعب مدك وجزرك...واذكر كل شيء يطري علي..وأهجر سكاتي

وأهمسلك انا احبك لجل تخفيها في سرك...وكل ماضاق بك صدرك ترددها بهمساتي

أنا ادري احترت في حبي وأنا محتاره في أمرك...وأحبك كلمةٍ تعجز تشيل الحب في ذاتي

حدودي في الهوى أبعد من نجومك ومن قمرك...مثل ذاك السراب اللي اشوفه في خيالاتي

حبيبي لو بيكتبني الهوى قصه على سطرك...بيبتدي وينتهي بإسمك لأنك كل حكاياتي

منقـــــــــــــــــــــــــــــــــــــــــــــــ ــــــــــــــــــــــــــــــــــول,,,

ولكم مني ارق تحيه,,,,

يسلمو أختى حلا على هذه الكلامات الرائعه


وننتظر المزيد

تحياتي لكى

مرحبا
تسلم يمناك أختي حلا
تحياتي