فديت عمرك
01-09-2009, 02:36 AM
بسم الله الرحمن الرحيم
نكمل القصه .........
الجزء الثاني (111)
هااااااه...بشري عساك ارتحتي؟؟
- يمّة تكفين خلاص..أبي أشرب موية!!
- وش فيك؟؟
- مدري يمّة ..أحس اني تعبانة
- وش فيك؟؟ طيب ارتحتي جاوبيني؟
- مدري...شعور غريب هذا الإنسان بالذات ما ارتحت له ,يعني مدري ما عرفت أحدد هل أنا مرتاحة ولا لأ ...بس مو هذا المهم المهم اني ما أبي أتزوّج وخلاص.
- ريم...منتي على عوايدك؟؟
- يمّة...الإنسان هذا مغرور...مسوّي لي فيها اني غني وواثق من نفسه بزيادة وأنا ما أحب هالنوعية من الناس
- ليه كيف حكمتي؟؟
- مدري قلت له أبي أسكن ببيت مستقل وقال لي في أي مدينة؟! والله قليل حيا
- ليش قليل حيا؟؟ عشانه سألك بأي مدينة تبين؟؟
- مدري أسلوبه ذا ما يعجبني ما أحب النوعية هذي
- عاد ما أدري وش بيقول أبوك!!
- يمّة ...الموضوع يخصّني أنا يعني أنا ما أبي أتزوّج
- لا تتسرعين خليني أشوف أبوك وش راح يقول.
- طيّب ...أنا ماراح أشغل نفسي بالتفكير لأني من جد تعبانة طالعه لغرفتي وعلميني وش يقول أبوي..,تكفين يا يمّة حاولي تفهمينه إني ما أبي أتزوّج
- خلاص ابشري كل هالكلام راح يوصل لأبوك.
- الله يخلّيك لي يارب.
طلعت ريم لغرفتها وكانت تحاول تسترجع ملامح بدر المغرور : "عيون سود ..والله الولد عيونه حلوة بس مخيفة وذيك الابتسامة...مدري وش فيني لمّا شفت ابتسامته مغصني بطني! كان مبيّن عليه طويل ورزّة اكتافه حلوة ...أووووووه ليش أنا قاعدة أفصفص الولد مصيره مصير اللي سبقوه إن شاء الله"
وبين هذي الأفكار سبحت في عالم الأحلام..........
صحت من النوم على صوت أبوها وهو يصحّيها:ريــــــــم ..يالله يا بابا قومي خلاص
- يبة اليوم خميس!! ليش مصحّيني بدري
- عندي موضوع بكلمك فيه
- ايش فيه؟؟( ارتاعت من تصرّف أبوها الغير اعتيادي )
- أبي أكلمك عن بدر....
- وش فيه؟
- انت موافقة؟؟
- لأ...مو موافقة
- ليش؟؟
- لسبب واحد هو إني أبي أكمّل دراستي ...يعني أنا مخططة أشياء كثيرة
- طيّب كل الأشياء اللي أنتي مخططة لها تقدرين تسوّينها وأنت متزوجة
- لا يا بابا...أنا وحده من صديقاتي متزوجة الحين وتتمنى لو إنها ما تزوجت وتقول إنها تلاقي صعوبة في المذاكرة بسبب زوجها اللي كل يوم عنده عزيمة , أجل وشلون أنا اللي بآخذ واحد رجل أعمال!!
- بدر أمس قال لي انه مستعد يخلّيك تدرسين براحتك وكل شي تسوّينه براحتك وتذاكرين وحتى مسؤوليات البيت يقول راح أجيب لها كل شي تتمناه حتى إنه يقول راح يجيب لك طبّاخ وكل شي
- بابا....وش يبي الرجّال هذا؟؟
- كيف وش يبي؟؟ يبي يتزوّج ...وصدقيني أنا ماراح أرميك على أي واحد
- وش معنى هذا بالذات انت مصر علي آخذه
- لأني أدري انه راح يسعدك
- الفلوس ماراح تسعدني يابابا
- مو الفلوس ...الولد أخلاق والكل يمدح فيه ورحت سألت عليه بكل مكان والكل يمدحه يعني حرام انك تخلّين كم واحد يروحون عليك بسبب دراستك,مصيرك تكملين دراستك وتعيشين.
- أحس انك تبي تفتك مني!! والله من جد( بانت الدموع في عيونها)
- لا ياعمري...ما فيه أب مايحب بنته لكن أنا أبي أفرح فيك وبعدين ترى لا تنسين إن عمّك يبيك لـ محمد ولده
- وأنا قلت لك قبل ماراح آخذ محمد.
- خلاص أجل...خوذي بدر لأني أحس ان محمد ماراح يسعدك مدري بس ما أحس انه يعجبك
- أجل بدر يعجبني؟؟
- والله شكله يعجبك
- ....!!!!!!( وجه مصدوم)
- وش فيك ههههههه تدرين كيف حسّيت الشي هذا؟؟
- كيف؟؟
- أول مرة أشوفك تتفاعلين مع أحد بالطريقة هذي ...أنت ماشفتي وجهك أمس
- يا بابا ...الولد هذا مغرووووووور..,كان لازم أحد يوقفه عند حدّه
- لا حرام عليك هو بعيد كل البعد عن الغرور بالعكس أخلاق
- ما أدري...ما أبي أتزوّج الحين أحس إني مو جاهزة أبد لا نفسياً ولا فكرياً وعندي اختبارات بعد ثلاث أسابيع
- إيه على فكرة...تراه يبي الزواج بعد أسبوعين بالكثير بعد ثلاث أسابيع
- إييييييييييييش؟؟؟!!! خييييييييييييير حتى لو قررت أتزوّج مايمديني أتجهز بثلاث أسابيع
- ليش؟؟ أنت تدرين إن أمك تزوجتني بأسبوعين؟؟
- ما يهمني..والله مالي شغل ماراح أتزوّج قبل ما أخلص ثانوية
- طيب وش أقوله ألحين؟؟
- قل له ان ريم رافضة لأنها ماتبي تشغل نفسها بأفكار وشوف ايش راح يقول
- ريم هو رجل أعمال عشان كذا يبي يسوّي كل شي بسرعة
- وأنت راضي؟؟ وإذا صار؟؟ تراه زواج مو خبط لزق!!
- طيب أنا بشوف وش يقول وإذا وافق من حظك واذا ماوافق اسمحيلي لكن راح أعتبر انك ما تعرفين مصلحتك وأقول له تمّ
- ......( من الصدمة ما قدرت تنطق كلمة وهي في داخلها تقول أكييييد يمزح!!)
بعد المغرب...دخلت عليها أمهّا وهي مبتسمة وتقول : أبوك توّه جاي وقال انه كلّم بدر وقال له قرارك وبدر وافق يتأجل الزواج بس لمّا تخلصين اختبارات نهائية:
ريم: يمّة....ودي أعرف ليش الولد ذا مصمم؟؟
- مصمم على ايش؟؟
- انه ياخذني أنا من بين كل البنات؟؟ وش فيني زود؟ فيه بنات أحلى مني ومخلصين دراسة ...وبعدين هو كبير يمّة..أنا توني 18 وهو عمره 30
يعني الفرق بيننا كبير وأحس إني من جيل وهو من جيل!!
- لا تبالغين عاد ...ترى فرق العمر مو مشكلة المهم الفكر
- وش يضمن لي ان تفكيره منفتح وعقليته حلوة؟؟
- الواضح قدّام الناس انه كذا لكن الدواخل لها الله يابنتي...يعني محد يقدر يعرف أحد إلا بالعشرة وبعدين ناظري الموضوع من جهة ثانية..ترى محمّد ولد عمك يبغاك من زمان وأبوك من زمان يقول لهم صغيرة بس ما أظن عمّك المرة هذي يوافق ...عاد تعرفين عمّك أكبر من أبوك وراح يزعل من أبوك لو رفضتي وبعدين انت من زمان ما يعجبك محمد فـ خوذي بدر أحسن لك.
- يمّة ...لو كنتي مكاني ..هل راح تتزوجين؟؟
- اعرف شعورك واعرف قد ايش أنتي خايفة لكن سواء تأخرتي أولا راح تمرين بالشعور هذا وصدقيني راح يروح.
- آآآآآآآآآآآآآآه
- هاااااااه؟؟ وش أقول لأبوك؟؟ تراه يستنّى تحت
- طيّب....
- أقوله إنك موافقة؟؟
- أمري لله
حضنتها أمها بسعادة وقالت : ألف مبرووووووك يابعد عمري
وطلعت من غرفتها وريم جالسة ....شعورها غريب كانت تناظر في المراية وهي تحسّ إنها ضايعه...تايهه!!...ما تدري وش المفروض تحس
بالأخير انتبهت لنفسها وقال بصوت واطي: ما أدري...ما أدري!!
يتبع ...
انتظر ردودكم
مع تحيات/ فديت عمرك (110)
نكمل القصه .........
الجزء الثاني (111)
هااااااه...بشري عساك ارتحتي؟؟
- يمّة تكفين خلاص..أبي أشرب موية!!
- وش فيك؟؟
- مدري يمّة ..أحس اني تعبانة
- وش فيك؟؟ طيب ارتحتي جاوبيني؟
- مدري...شعور غريب هذا الإنسان بالذات ما ارتحت له ,يعني مدري ما عرفت أحدد هل أنا مرتاحة ولا لأ ...بس مو هذا المهم المهم اني ما أبي أتزوّج وخلاص.
- ريم...منتي على عوايدك؟؟
- يمّة...الإنسان هذا مغرور...مسوّي لي فيها اني غني وواثق من نفسه بزيادة وأنا ما أحب هالنوعية من الناس
- ليه كيف حكمتي؟؟
- مدري قلت له أبي أسكن ببيت مستقل وقال لي في أي مدينة؟! والله قليل حيا
- ليش قليل حيا؟؟ عشانه سألك بأي مدينة تبين؟؟
- مدري أسلوبه ذا ما يعجبني ما أحب النوعية هذي
- عاد ما أدري وش بيقول أبوك!!
- يمّة ...الموضوع يخصّني أنا يعني أنا ما أبي أتزوّج
- لا تتسرعين خليني أشوف أبوك وش راح يقول.
- طيّب ...أنا ماراح أشغل نفسي بالتفكير لأني من جد تعبانة طالعه لغرفتي وعلميني وش يقول أبوي..,تكفين يا يمّة حاولي تفهمينه إني ما أبي أتزوّج
- خلاص ابشري كل هالكلام راح يوصل لأبوك.
- الله يخلّيك لي يارب.
طلعت ريم لغرفتها وكانت تحاول تسترجع ملامح بدر المغرور : "عيون سود ..والله الولد عيونه حلوة بس مخيفة وذيك الابتسامة...مدري وش فيني لمّا شفت ابتسامته مغصني بطني! كان مبيّن عليه طويل ورزّة اكتافه حلوة ...أووووووه ليش أنا قاعدة أفصفص الولد مصيره مصير اللي سبقوه إن شاء الله"
وبين هذي الأفكار سبحت في عالم الأحلام..........
صحت من النوم على صوت أبوها وهو يصحّيها:ريــــــــم ..يالله يا بابا قومي خلاص
- يبة اليوم خميس!! ليش مصحّيني بدري
- عندي موضوع بكلمك فيه
- ايش فيه؟؟( ارتاعت من تصرّف أبوها الغير اعتيادي )
- أبي أكلمك عن بدر....
- وش فيه؟
- انت موافقة؟؟
- لأ...مو موافقة
- ليش؟؟
- لسبب واحد هو إني أبي أكمّل دراستي ...يعني أنا مخططة أشياء كثيرة
- طيّب كل الأشياء اللي أنتي مخططة لها تقدرين تسوّينها وأنت متزوجة
- لا يا بابا...أنا وحده من صديقاتي متزوجة الحين وتتمنى لو إنها ما تزوجت وتقول إنها تلاقي صعوبة في المذاكرة بسبب زوجها اللي كل يوم عنده عزيمة , أجل وشلون أنا اللي بآخذ واحد رجل أعمال!!
- بدر أمس قال لي انه مستعد يخلّيك تدرسين براحتك وكل شي تسوّينه براحتك وتذاكرين وحتى مسؤوليات البيت يقول راح أجيب لها كل شي تتمناه حتى إنه يقول راح يجيب لك طبّاخ وكل شي
- بابا....وش يبي الرجّال هذا؟؟
- كيف وش يبي؟؟ يبي يتزوّج ...وصدقيني أنا ماراح أرميك على أي واحد
- وش معنى هذا بالذات انت مصر علي آخذه
- لأني أدري انه راح يسعدك
- الفلوس ماراح تسعدني يابابا
- مو الفلوس ...الولد أخلاق والكل يمدح فيه ورحت سألت عليه بكل مكان والكل يمدحه يعني حرام انك تخلّين كم واحد يروحون عليك بسبب دراستك,مصيرك تكملين دراستك وتعيشين.
- أحس انك تبي تفتك مني!! والله من جد( بانت الدموع في عيونها)
- لا ياعمري...ما فيه أب مايحب بنته لكن أنا أبي أفرح فيك وبعدين ترى لا تنسين إن عمّك يبيك لـ محمد ولده
- وأنا قلت لك قبل ماراح آخذ محمد.
- خلاص أجل...خوذي بدر لأني أحس ان محمد ماراح يسعدك مدري بس ما أحس انه يعجبك
- أجل بدر يعجبني؟؟
- والله شكله يعجبك
- ....!!!!!!( وجه مصدوم)
- وش فيك ههههههه تدرين كيف حسّيت الشي هذا؟؟
- كيف؟؟
- أول مرة أشوفك تتفاعلين مع أحد بالطريقة هذي ...أنت ماشفتي وجهك أمس
- يا بابا ...الولد هذا مغرووووووور..,كان لازم أحد يوقفه عند حدّه
- لا حرام عليك هو بعيد كل البعد عن الغرور بالعكس أخلاق
- ما أدري...ما أبي أتزوّج الحين أحس إني مو جاهزة أبد لا نفسياً ولا فكرياً وعندي اختبارات بعد ثلاث أسابيع
- إيه على فكرة...تراه يبي الزواج بعد أسبوعين بالكثير بعد ثلاث أسابيع
- إييييييييييييش؟؟؟!!! خييييييييييييير حتى لو قررت أتزوّج مايمديني أتجهز بثلاث أسابيع
- ليش؟؟ أنت تدرين إن أمك تزوجتني بأسبوعين؟؟
- ما يهمني..والله مالي شغل ماراح أتزوّج قبل ما أخلص ثانوية
- طيب وش أقوله ألحين؟؟
- قل له ان ريم رافضة لأنها ماتبي تشغل نفسها بأفكار وشوف ايش راح يقول
- ريم هو رجل أعمال عشان كذا يبي يسوّي كل شي بسرعة
- وأنت راضي؟؟ وإذا صار؟؟ تراه زواج مو خبط لزق!!
- طيب أنا بشوف وش يقول وإذا وافق من حظك واذا ماوافق اسمحيلي لكن راح أعتبر انك ما تعرفين مصلحتك وأقول له تمّ
- ......( من الصدمة ما قدرت تنطق كلمة وهي في داخلها تقول أكييييد يمزح!!)
بعد المغرب...دخلت عليها أمهّا وهي مبتسمة وتقول : أبوك توّه جاي وقال انه كلّم بدر وقال له قرارك وبدر وافق يتأجل الزواج بس لمّا تخلصين اختبارات نهائية:
ريم: يمّة....ودي أعرف ليش الولد ذا مصمم؟؟
- مصمم على ايش؟؟
- انه ياخذني أنا من بين كل البنات؟؟ وش فيني زود؟ فيه بنات أحلى مني ومخلصين دراسة ...وبعدين هو كبير يمّة..أنا توني 18 وهو عمره 30
يعني الفرق بيننا كبير وأحس إني من جيل وهو من جيل!!
- لا تبالغين عاد ...ترى فرق العمر مو مشكلة المهم الفكر
- وش يضمن لي ان تفكيره منفتح وعقليته حلوة؟؟
- الواضح قدّام الناس انه كذا لكن الدواخل لها الله يابنتي...يعني محد يقدر يعرف أحد إلا بالعشرة وبعدين ناظري الموضوع من جهة ثانية..ترى محمّد ولد عمك يبغاك من زمان وأبوك من زمان يقول لهم صغيرة بس ما أظن عمّك المرة هذي يوافق ...عاد تعرفين عمّك أكبر من أبوك وراح يزعل من أبوك لو رفضتي وبعدين انت من زمان ما يعجبك محمد فـ خوذي بدر أحسن لك.
- يمّة ...لو كنتي مكاني ..هل راح تتزوجين؟؟
- اعرف شعورك واعرف قد ايش أنتي خايفة لكن سواء تأخرتي أولا راح تمرين بالشعور هذا وصدقيني راح يروح.
- آآآآآآآآآآآآآآه
- هاااااااه؟؟ وش أقول لأبوك؟؟ تراه يستنّى تحت
- طيّب....
- أقوله إنك موافقة؟؟
- أمري لله
حضنتها أمها بسعادة وقالت : ألف مبرووووووك يابعد عمري
وطلعت من غرفتها وريم جالسة ....شعورها غريب كانت تناظر في المراية وهي تحسّ إنها ضايعه...تايهه!!...ما تدري وش المفروض تحس
بالأخير انتبهت لنفسها وقال بصوت واطي: ما أدري...ما أدري!!
يتبع ...
انتظر ردودكم
مع تحيات/ فديت عمرك (110)