قصيده عجبتني بكل قبايل السعوديه

وحبيت انقلها لأنها تستحق النقل
.:. صح لسان قايلها .:.
/
(111)\(111)
/

يالله ياخالـق اراضـيـن وابـحـار
الواحـد المعـبـود رازق عبـيـده

الخالـق الغفـار عـلام الاســرار
وفرق شعوب الارض فـي كـل يـده

وابدي واسولف من عذيبات الاشعـار
ابيـات شعـر والمعانـي وكـيـده

اشري وابيع واعـرف كيـف بختـار
واختار من جـزل البيـوت الفريـده

وذ كر تراث وعـز وامجـاد وافخـار
قبائـل تـومـن بـديـن وعقـيـده

وصلت حضارتنا على سطح الاقمـار
ابنـا الجزيـر والجزيـره مجـيـده

في ظل حكـام لهـم فعـل واشـوار
ال السعـود اللـي تفـك الضهيـده

نسل الزعيم الحاكـم العـادل البـار
مجـدد امجـاد الجـزيـره بجـيـده

حتى اصبحت حره وحنا لـه انصـار
في ظل اخو نـوره هنـوف سعيـده

وصارت لابو تركي بطولـه وتذكـار
والفخـر والامجـاد تبقـى شهيـده

وخلف لنا املوك لهم فعـل واخبـار
الشعـب واحـد والقيـاده رشـيـده

والامن بانينه علـى سـاس وجـدار
وقرو على العابـث عقوبـه شديـده

وحنا حماة الـدار مـن كـل غـدار
وما همنـا بطشـه وخبثـه وكيـده

قبـائـل مالحقـنـاهـم اوعـــار
وعشنا بهذي الـدار عيشـه رغيـده

والحمـد لله نحمـده سـر واجهـار
شعب تكاتـف مـن سنيـن مديـده

ودون الوطن جيش على كـل معبـار
لارفـرف البيـرق ونـادى عقـيـده

بشرق البـلاد وغربهـا دوم حضـار
وارض الشمال اللـي نفـوده مديـده

وارض الجنوب اللي تخيضر بالاشجار
جزيـرة فيهـا القبـايـل عـديـده

ارض بها قحطـان وافيـن الاشبـار
وياعـز منهـم بالشدايـد بسـيـده

واذكر عتيبه يـوم للطيـب مغـوار
لا ثـارت الهيجـا وقـرب ضديـده

وشمرهل الطولات والجـود مقـدار
اهل الكرم واهـل الفعـول الحميـده

وقوم اعنزه مروين الاخصام الامـرار
اولاد وايـل مـن عصـور عهيـده

ومطير قوم تكـرم الضيـف لا زرار
وياويل خصم فـي حراهـم وعيـده

واذكر قبيلة حـرب يانعـم الاخيـار
وتاريخهـم يحكـي سطـور مجيـده

وسبيع نعم القوم ووجيـه الاسفـار
××ن الدخيل ليـا ××ـن مـن طريـده

واذكر قبيلـة يـام والطيـب ينـدار
اهـل العلـوم الوافيـه والرشـيـده

ثم الرشيدي فـي الصعيبـات صبـار
علـى علـوم الطيـب فعلـه يزيـده

ثم الدواسر تجعـل الخصـم منهـار
عيـال زايـد عـز منهـم سنـيـده

ثم السهول اللي لها الطيـب مـدرار
وعن منهج العـادات ماهـي محيـده

ثم اذكـر العجمـان حمايـة الجـار
والمرجلـه والجـاه فيهـم عتـيـده

واذكر بني مـره طويليـن الاعمـار
مـا ينقـد المـري ولا لـه نقيـده

ثـم الهواجـر لابـة تقـدح النـار
اهل الركـاب اللـي خطاهـا بعيـده

واذكـر بنـي خالـد قبيلـة وامـار
قوم لهم في المجـد قـول ورصيـده

وبني تميم اللي لها الطيـب مصـدار
بنـي تميـم وكـل فعـل تجـيـده

ثم الزعوب اللي بها الخصـم يحتـار
شجعـان ماترضـى سـوا ماتريـده

العازمي وافي وفـي الطيـب بيطـار
روحه على كل المصاعـب صميـده

ثم الظفيري فـي المصاعيـب جبـار
والطيب والامـداح باصلـه وطيـده

ثم اذكـر الاشـراف بجـلال واكبـار
اهل الحجـاز اللـي تفـك الزهيـده

ثـم الهذيلـي لـه مواقـف ومنـدار
راعي الفخر راعي العلـوم السديـده

ثم البقوم اللي لهم جيـش وامهـار
ريف الضيـوف ليـا لفاهـم وليـده

واذكر ثقيف اللي لهـم مجـد وآثـار
ومهمـا حسبنـا مـن كـلام نعيـده

وبلحارث اهل العز بشهـود واقـرار
ا لحارثـي ياطيـب فعلـه وجـيـده

والمالكي معروف لاصار مـا صـار
في موقف اهل الطيب يبـذل جهيـده

واثني تحياتي عـددوبـل الامطـار
علـى سليـم وكـل خصـم تكيـده

واذكر جهينـه هـل مواقيـف وادوار
تلقى الجهيني راسـم الطيـب بيـده

واذكر بلي والمجدله فعـلواظهـار
وتاريخهـم يحكـي فعـول فـريـده

وبني عطيه في المواجيـب حضـار
قـوم بوقـت الجـد قـوم عنـيـده

ثم الحويطي والكرامـه لـها شعـار
ثـم الشـراري لـه فعـول مفيـده



وباقي جنوب الـداروالقـاف مـادار
باقـي علـى قلبـي كـلام واشيـده

زهران نعم القوم في وقت الاضـرار
والخصم عينه مـن لقاهـا سهيـده

والغامدي معروف له عـزم واصـرار
راعـي المراجـل والعلـوم المفيـده

وشمران قوم والجمايل لهـااطـوار
وبلقـرن سـم للقـلـوب النكـيـده

والا***ـي والمحلفـي مابعـدبـار
والحارثـي طيبـه وفعلـه يشـيـده

وبني شهر وبني عمر سيـفبتـار
قـوم علـى الاخصـام نـار وقيـده

والاسمري والاحمري صيتهـم سـار
بيـن القبايـل والمواقـف شهـيـده

واذكر عسير الهول ذربيـن الاذكـار
وابها احتموهـا فالسنيـن الشديـده

وادهم والصيعر علـى حـدالاقطـار
يحمون حد الدار مـن اللـي يريـده

وامشي مع الساحل مع جمله افكـار
رسمتهـا والطـيـر زان اتغـريـده

وانزل على جيـزان تاريـخ واديـار
ورجـال فيفـا والقبـايـل عـديـده

وارجوا العذر واهل المواجيب عـذار
الي نسيتـه مانذكـر فـي القصيـده

الواهبـي عـدد ابيوتـه بــالادوار
مـن شاعـر ماشـل قلبـه حقيـده

شهران ربعي هم هل المـدح والكـار
واهل الكند واهل السيـوف الجديـده

يـوم البلـد مايامـن الزنـد لاثـار
زيزومنا ابن مشيـط نعـم الوليـده

فالجهل شجعان وفـي السلـم تجـار
مـن بطـن بيشـه للتهـم لارفيـده

حبيت ابيـن موقفـي بيـن شعـار
وارجوا سموحتكم علـى ذا النشيـده

ماحـب انافـق واتعنصـرتعنصـار
ولا ني باطيع اهـل العقـول البليـده

ما كل من طـب البحـر قيـل بحـار
وما كل من شل الفشق جاب صيـده

فالشعـر بستـان بـه ورد وازهـار
واللـي تعـداهـا بيـوتـه فقـيـده

واقولها في الشعـر تكـرار وامـرار
ضـرف بـلا عنـوان يلغـى بريـده

وبعض السوالف له مواقف ومحضار
وشعـر بـلا معنـى لـزوم نبيـده

وصلوا على المرسول شفاع الابـرار
محمـد الهـادي وقــدوة عبـيـده

(111)
/
اللهم صل وسلم عليه

(111)
مــــــــنـــــــــقـــــول

وشمرهل الطولات والجـود مقـدار
اهل الكرم واهـل الفعـول الحميـده

يعطيك العافيه الروح

ونعم بكل القبائل العربيه الأصيلة

هي قبيلة بنتي أميرة الله يحفظها ويحفظ لها أبوها يارب

ويحفظ كل الشمر والعرب جميعا آميين(112)

ونعم بكل القبايل وسبع تنعام
يعطيك العافيه على القصيده المنقوله

وبني تميم اللي لها الطيـب مصـدار بنـي تميـم وكـل فعـل تجـيـده
يوووه فديت بني تميم برووحي(111)
والنعم بكل القبايل(111)
صح لسان قايلها وسلمت يد نقلتها(111)
لكي خالص ودي وإحترامي}..(111)

(اللهم صلي وسلم على نبينا محمد )

واذكر عتيبه يـوم للطيـب مغـوار
لا ثـارت الهيجـا وقـرب ضديـده
........................................
.:. صح لسان قايلها
وتسلم يمين ناقلها

يعطيك العافيه
والنعم بكل القبايل
دمتي بود

روعـه / تسلم يدك ع النقل الرائع

كل القبآيل ونعم فيهآا ...

وشمرهل الطولات والجـود مقـدار
اهل الكرم واهـل الفعـول الحميـده

يعطيك العافيه الروح

ونعم بكل القبائل العربيه الأصيلة

هي قبيلة بنتي أميرة الله يحفظها ويحفظ لها أبوها يارب

ويحفظ كل الشمر والعرب جميعا آميين(112)

امين رغووووده نورتى يالغلا
بوسي لى بنت عمى
يسلموووو على مروووورك

ونعم بكل القبايل وسبع تنعام
يعطيك العافيه على القصيده المنقوله

هلا والله قاهر
نورت بطلتك ووجودك
دمت بووووود

وبني تميم اللي لها الطيـب مصـدار بنـي تميـم وكـل فعـل تجـيـده
يوووه فديت بني تميم برووحي(111)
والنعم بكل القبايل(111)
صح لسان قايلها وسلمت يد نقلتها(111)
لكي خالص ودي وإحترامي}..(111)

هلا مناير نورتى يالغلا
نورتى بطلتك ووجودك الرائع
دمتى بووووود
صقيقتى

(اللهم صلي وسلم على نبينا محمد )

واذكر عتيبه يـوم للطيـب مغـوار
لا ثـارت الهيجـا وقـرب ضديـده
........................................
.:. صح لسان قايلها
وتسلم يمين ناقلها

يعطيك العافيه
والنعم بكل القبايل
دمتي بود

هلا والله هذا حظك
نورت بطلتك ووجودك
دمت بوووود

روعـه / تسلم يدك ع النقل الرائع

كل القبآيل ونعم فيهآا ...

هلا ياسر نورت والله بطلتك
نعم بحالك
نورت صفحتى بوجودك وطلتك الرائعه
دمت بوووووووود