السالمي
05-02-2004, 04:18 AM
(109)(109)(109)ام حميدان تبي تدرس ! ! ! هههههههههههه
ام حميدان تبي تدرس ! ! !
بسم الله
السلام عليكم
شلونكم
----
----------------------
هذي السالفة بطولة
ام حميدان : عجوز مكافحة ودها تتعلم
نورة : بنت ام حميدان
ام سليمان : صديقة ام حميدان الروح بالروح
كما شارك بالتمثيل كل من :
ابو حميدان : رادن بم حمديان ولا له خلق عليها ..
حميدان : معه سادس وحافظن جدول الزايد بس ..
مقدمـة :
ابو حميدان : بس لا تصبين قضيت ..
ام حميدان : اليوم الصبح شبت حريقة في بيت منيـره قصيرتنا العجيـز ولا عنده احد باالبيت لحيله بس اشوى ربك ساترن عليه وحاميه .. وتزهم علي وتقولي احترقنا احترقنا يام حميدان ازهمي على المطافي يام حميدان
ابو حميـدان : ايه وش سويتي ؟؟ زهمتي ولا ؟؟
ام حميدان : لا قمت وجبت رقمهم اللي انت كاتبه لي بس ولا سويت شي ..
ابو حميدان : ووراتس ما سويتي شي ؟؟ تسان اتصلتي عليهم وقلتي لهم شارع الريل بيدلون ..
ام حميدان : ايه بس انا جبت الورقة اللي انت كتبته لي وقلتلي رقم الشرطه ولسعاف والمطافي ومدري وش بعد .. بس ما عرفت ايهن رقم المطافي ..
ابو حميدان : كل رقم مكتوب جنبـه وشهو رقمـه .. وشلون ما عرفتي ايهن حق المطافي ..
ام حميدان : يعني ما تدري اني ما عرف اقرى ولا اكتب !!؟؟ أحد قالك اني راضعتن مع مديره ولا وكيلة مدرسـه
ابو حميدان : ايييييييه اييه اييه بس بس .. نسيت انتس جاهله ولا تعرفين تقرين ولا تكتبين ..
ام حميدان .. ضاق صدرها من هالكلمه ( جاهلــــــه ) ياكبره عند الله انا يقول عني جاهله لا ومنهو بعد ابوحميداان هاللي ما معه الا الساته ( سادس ) ..وكانت تلك الكلمـة كالصفعة على وجهها وكالصفعتيـن على علباها .. وبدءت تحك رأسها وتحكه وتحكه الى ان بدء يتساقط شعرة تلو شعرة .. ومن ثم بدءت أدمعها بالهلهله والتناثر .. << والله مدري هلهله هذي من وين جبتها المهم انها هلت دموعها ..
وخطرت في بالها فكره الألتحاق بمحو الأميـة الذي في نهاية شارع منزلهم ..
الحيـن نبدى الموضوع .. ايه للحين ما بدينا !!
ام حميدان : نوره .. وين الشرايط والأبه حقاتي ؟؟ يلا بتأخر على الحريم .. قصدي المدرسـة ..
نوره : زين يمه زين هذاي جيت ..
ام حميدان : وتعالي كدي شعري ومشطيـه وحطيلي جديلتين .. انهجي كفو والله بنيتي نوره ..
نوره : انشالله يمه اذا نجحتي بشرطلتس ( بهديلك هديه ) ..
ام حميدان : ابيتس تجيبين لي عطر مهوب تجيبيلي مرهم من عطار ...
نوره : يوه (أي بمعنى يمـه ) اقعدي خليني اكد شعرتس وراتس واقفـه .. ؟؟
ام حميدان : اي والله ونا وش يدريني ونا امتس بسوي مثلكم اول .. اكد شعوركم ونتم واقفيـن ..
نوره : الله يوفقتس يمه وتصيرين الأوله عليهم ..
ام حميدان : الا ما تدرين وش صار على الخلط .. بيخلطونا ولا هونو ؟؟
نوره : وشو خلطه ؟؟
ام حميدان : مهوب يقولون انهم بيخلطون الرجال مع الحريم .. << شكلها ودها وما ودها ..
نوره : لا ابشرتس هونو خلاص ماهنا لا اختلاط ولاش مررره ..
حميدان : ماشالله وش هالزين .. تصدقين يمه اللي يشوفتس يقول اختنا الكبيره مهيب امنا ..
ام حميدان : بذمك عاد ؟؟
نوره : يمه ما تبين شنطـه تاخذينها معتس ولا شلون بتروحين ..
حميدان : لا وشوله شنطه خليها تاخذ سجاده تيزي ( تكفي ) ..
ام حميدان : انت ورى ما تروح تذاكر دروسك ياحمدنه ازين لك .. هين خل يجي ابوك والله لقوله .. يالداشر .. انك ترقى فوق الخزان ..
حميدان : انشالله يمه .. قصدي اختنا الكبيره .. << شوي وتجيه سماعة التلفون تمشي ستلاف بعلباه من امـه ..
ام حميدان : اقول ونا امتس القى هلهوبات كبار في السوق للحريم ؟؟
نوره : يمه انهبلتي انتي لا تصيرين مره عاد تسنتس ( كأنكِ ) ام عشر سنين هذي للبزارين بس ..
ام حميدان : الا وين عطرتس اللي اسمه ( كزن بالدور ) او انه ( كرسي يدور ) او انه ( ..
نوره : ههههههههههه << يمه هذي ماركه اسمه كرستيان ديووور ..
ام حميدان : اخاف صتز بس .. قومي اقول جيبيه اعرف اسمه من قبل ماتطلعين للدنيا ..
ام حميدان : اقول ونا امكي << يقالها تطورت .. وين تلفونكي ؟؟ باخذه معي اشخصبـه عند الحريم ..
نوره : ايه بس يمه مب تفشلين نفستس عند الحريم .. مثل ذاك اليوم سمعتي نغمة رساله ورفعتيه ورديتي يقالتس احد متصل الحين .. ونتبهي لا ترصين شي ويكلم ويحسب عليتس ونتي ما تدرين ..
ام حميدان : اها اقول اخلصي عاد .. اللي يشوفتس يقول دافعتن فيه قرش الحين ..
نوره : يمه يمه يمممه تعاااالي تعااااااالي وين رايحه ؟؟؟؟؟؟؟؟؟؟؟
ام حميدان : شفيتس وش بتس طيرتي قلبي ؟؟؟؟
نوره : بتطلعين كذا بدون عبايه ولا شيييي ؟؟؟؟؟
ام حميدان : هو ( بفتح الحاء .. وهي علامـة تعجب وستنكار واحساس بالتناحة ) .. الله يغربل الشيطان والله اني نسيت عمري .. اشونتس علمتيني روحي جيبيهن .. جيبي المخصـره ونا امتسي ( ونا امكِ ) ..
--------------------------------------
ما راح اقولكم باقي السلافه الا اذا شفت خمس ردود او اكثر
وراح اقول مو متفاعلين عشان كذا ما راح اكمل
--------------------------------
باي باي
(*·.¸ مع تحياتي¸.·*)
ام حميدان تبي تدرس ! ! !
بسم الله
السلام عليكم
شلونكم
----
----------------------
هذي السالفة بطولة
ام حميدان : عجوز مكافحة ودها تتعلم
نورة : بنت ام حميدان
ام سليمان : صديقة ام حميدان الروح بالروح
كما شارك بالتمثيل كل من :
ابو حميدان : رادن بم حمديان ولا له خلق عليها ..
حميدان : معه سادس وحافظن جدول الزايد بس ..
مقدمـة :
ابو حميدان : بس لا تصبين قضيت ..
ام حميدان : اليوم الصبح شبت حريقة في بيت منيـره قصيرتنا العجيـز ولا عنده احد باالبيت لحيله بس اشوى ربك ساترن عليه وحاميه .. وتزهم علي وتقولي احترقنا احترقنا يام حميدان ازهمي على المطافي يام حميدان
ابو حميـدان : ايه وش سويتي ؟؟ زهمتي ولا ؟؟
ام حميدان : لا قمت وجبت رقمهم اللي انت كاتبه لي بس ولا سويت شي ..
ابو حميدان : ووراتس ما سويتي شي ؟؟ تسان اتصلتي عليهم وقلتي لهم شارع الريل بيدلون ..
ام حميدان : ايه بس انا جبت الورقة اللي انت كتبته لي وقلتلي رقم الشرطه ولسعاف والمطافي ومدري وش بعد .. بس ما عرفت ايهن رقم المطافي ..
ابو حميدان : كل رقم مكتوب جنبـه وشهو رقمـه .. وشلون ما عرفتي ايهن حق المطافي ..
ام حميدان : يعني ما تدري اني ما عرف اقرى ولا اكتب !!؟؟ أحد قالك اني راضعتن مع مديره ولا وكيلة مدرسـه
ابو حميدان : ايييييييه اييه اييه بس بس .. نسيت انتس جاهله ولا تعرفين تقرين ولا تكتبين ..
ام حميدان .. ضاق صدرها من هالكلمه ( جاهلــــــه ) ياكبره عند الله انا يقول عني جاهله لا ومنهو بعد ابوحميداان هاللي ما معه الا الساته ( سادس ) ..وكانت تلك الكلمـة كالصفعة على وجهها وكالصفعتيـن على علباها .. وبدءت تحك رأسها وتحكه وتحكه الى ان بدء يتساقط شعرة تلو شعرة .. ومن ثم بدءت أدمعها بالهلهله والتناثر .. << والله مدري هلهله هذي من وين جبتها المهم انها هلت دموعها ..
وخطرت في بالها فكره الألتحاق بمحو الأميـة الذي في نهاية شارع منزلهم ..
الحيـن نبدى الموضوع .. ايه للحين ما بدينا !!
ام حميدان : نوره .. وين الشرايط والأبه حقاتي ؟؟ يلا بتأخر على الحريم .. قصدي المدرسـة ..
نوره : زين يمه زين هذاي جيت ..
ام حميدان : وتعالي كدي شعري ومشطيـه وحطيلي جديلتين .. انهجي كفو والله بنيتي نوره ..
نوره : انشالله يمه اذا نجحتي بشرطلتس ( بهديلك هديه ) ..
ام حميدان : ابيتس تجيبين لي عطر مهوب تجيبيلي مرهم من عطار ...
نوره : يوه (أي بمعنى يمـه ) اقعدي خليني اكد شعرتس وراتس واقفـه .. ؟؟
ام حميدان : اي والله ونا وش يدريني ونا امتس بسوي مثلكم اول .. اكد شعوركم ونتم واقفيـن ..
نوره : الله يوفقتس يمه وتصيرين الأوله عليهم ..
ام حميدان : الا ما تدرين وش صار على الخلط .. بيخلطونا ولا هونو ؟؟
نوره : وشو خلطه ؟؟
ام حميدان : مهوب يقولون انهم بيخلطون الرجال مع الحريم .. << شكلها ودها وما ودها ..
نوره : لا ابشرتس هونو خلاص ماهنا لا اختلاط ولاش مررره ..
حميدان : ماشالله وش هالزين .. تصدقين يمه اللي يشوفتس يقول اختنا الكبيره مهيب امنا ..
ام حميدان : بذمك عاد ؟؟
نوره : يمه ما تبين شنطـه تاخذينها معتس ولا شلون بتروحين ..
حميدان : لا وشوله شنطه خليها تاخذ سجاده تيزي ( تكفي ) ..
ام حميدان : انت ورى ما تروح تذاكر دروسك ياحمدنه ازين لك .. هين خل يجي ابوك والله لقوله .. يالداشر .. انك ترقى فوق الخزان ..
حميدان : انشالله يمه .. قصدي اختنا الكبيره .. << شوي وتجيه سماعة التلفون تمشي ستلاف بعلباه من امـه ..
ام حميدان : اقول ونا امتس القى هلهوبات كبار في السوق للحريم ؟؟
نوره : يمه انهبلتي انتي لا تصيرين مره عاد تسنتس ( كأنكِ ) ام عشر سنين هذي للبزارين بس ..
ام حميدان : الا وين عطرتس اللي اسمه ( كزن بالدور ) او انه ( كرسي يدور ) او انه ( ..
نوره : ههههههههههه << يمه هذي ماركه اسمه كرستيان ديووور ..
ام حميدان : اخاف صتز بس .. قومي اقول جيبيه اعرف اسمه من قبل ماتطلعين للدنيا ..
ام حميدان : اقول ونا امكي << يقالها تطورت .. وين تلفونكي ؟؟ باخذه معي اشخصبـه عند الحريم ..
نوره : ايه بس يمه مب تفشلين نفستس عند الحريم .. مثل ذاك اليوم سمعتي نغمة رساله ورفعتيه ورديتي يقالتس احد متصل الحين .. ونتبهي لا ترصين شي ويكلم ويحسب عليتس ونتي ما تدرين ..
ام حميدان : اها اقول اخلصي عاد .. اللي يشوفتس يقول دافعتن فيه قرش الحين ..
نوره : يمه يمه يمممه تعاااالي تعااااااالي وين رايحه ؟؟؟؟؟؟؟؟؟؟؟
ام حميدان : شفيتس وش بتس طيرتي قلبي ؟؟؟؟
نوره : بتطلعين كذا بدون عبايه ولا شيييي ؟؟؟؟؟
ام حميدان : هو ( بفتح الحاء .. وهي علامـة تعجب وستنكار واحساس بالتناحة ) .. الله يغربل الشيطان والله اني نسيت عمري .. اشونتس علمتيني روحي جيبيهن .. جيبي المخصـره ونا امتسي ( ونا امكِ ) ..
--------------------------------------
ما راح اقولكم باقي السلافه الا اذا شفت خمس ردود او اكثر
وراح اقول مو متفاعلين عشان كذا ما راح اكمل
--------------------------------
باي باي
(*·.¸ مع تحياتي¸.·*)