تسجيل الدخول

مشاهدة النسخة كاملة : لا أنام

بـوٍكـا
09-30-2008, 08:53 AM
اتمنى تعجبكم وياريت كل الي يشاهدها يعطيني رد يا سلبي يا ايجابي
لاني انا عمري ما كنت شاعر ولا بكتب خواطر بس من يوم اشتركت هنا وحبيت الشعر والخواطر
وكل الموجودين بالمنتدى ما شاء الله عليهم عباقرة شعر وخواطر وممكن يقولو رأيهم بصراحه
وأنا لو حد قالي ان موضوعك زفت مش حزعل منه والله بس يقول عشان أعرف اذا كنت اكتب تاني ولا كفاية علي كده ....

أسف للازعاج الغلس بـوٍكـا



لا أنام



منين يجيني النوم وانت نايم في عيني...

أخاف اغمض عيوني أصحيك لو كنت بتحلم فيني.



أتمنى يجي يوم في عينك انت تخبيني...

ساعتها حقول محروم ولقيت الي يدفيني.



شربت المر من قبلك واديك انت بتسقيني...

المر منك دوا أموت هو الي يحيني.



ساعات بحلم باني في قلبك ..الكون كلو ما يكفيني...

وساعات بخاف من وقت يعد علي ما تجيني.



فرحان انا باحساسي احساسي بيك مسليني..

واخدني لعالم تاني دنيا قادرة تنجيني..

من خوف وهم ويأس كتير كان ماليني..

ادعي معايا يا رب يطير النوم من عيني..

ولا أنام واصحى وأحس نور السواد بيعميني..........!








من الأخر: قبلك قلوب اتمنو في الحب يجيبوني ويودووني

وقبلتك انت بنظرة.. لأ بهمسه أشعلت النار في مصاريني <هههههه>

مبئاش بـوٍكـا ان ما ختمت بشي غتت سامحوني مقدرش أكمل شيء للأخر (124)
رد روحي
09-30-2008, 01:46 PM
(111)(111)(111)
اولا كل سنة وانت طيب يا بوكا ياغلس
عارفة انكم صايمين لسة في مصر..يا حراااااااام(126)(126)
بالنسبة للقاطرة...قصدي الخاطرة اللي انت كتبتها فهي جميلة و انا بقترح عليك تخلي مطرب مشهور يغنيها
والله حتكسر الدنيا هههههههههههه انا برشح شعبان عبد الرحيم هههههههههههههههه
متزعلش مني...الدنيا عيد عندنا و الغلاسة مسموحة باليوم ده
خلينا جد شوية...اللي كتبته كمبتديء مقبول و شوية شوية حتتحسن و تبقى عال العال..متنساش تاخد الدوا لما تفطر
(85)(85)(85)(85)....انا بعك
مالك الحزين
10-01-2008, 01:28 AM
ايها ذا الشاكي وما بك داءُ
كيف تبدو اذا غدون عليلا
ان شر الاناس في الارض نفس
تتوقي قبل الرحيل الرحيلا
رد روحي
10-01-2008, 05:51 PM
وصل العيد عندكم النهردة؟؟
(112)كل سنة و انت طيب(112)
بـوٍكـا
10-01-2008, 05:56 PM
وانتي طيبه اهو انا دلوئتي بس حسيت بالعيد أولا لاني شوفتك ثانيا لانك رديتي على الشعر بتاعي برقه وقلب ابيض

ال ايه بالنسبة لأول مشاركه ومبتديء

مبتديء مين دنا الي كنت بعلم أحمد شوقي الله يرحمه ومن قبله سامي البارودي

لولا ان خدت امر نفي لسيرلانكا كان زماني دلوئتي لي دواوين

يلا الحمد لله على كل شيء
رد روحي
10-01-2008, 06:02 PM
يا راجل........السما حتوقع....(76)(76)
المهم انت خدت الدوا يا عسل؟؟
العيد اللي جاي حكون عندكم في مصر متنساش تفرش الارض ورد
(110)(110)(110)(110)
بـوٍكـا
10-01-2008, 06:06 PM
عيد الأضحى؟

حنقابلك بالقنابل والرشاشات الثقيله
رد روحي
10-01-2008, 06:12 PM
ايوة كدة لازم استقبال حربي و عسكري يليق بمقامي

(85)(85)(85)
بـوٍكـا
10-01-2008, 06:46 PM
يا مصر هلت بشاير العيد

بقدوم رد روحي أم قلم شديد

قلم في الكتابه يعني مش على الوش
رد روحي
10-03-2008, 10:30 PM
قلم كتابة ولا قلم وش..كله بيترك علامة في القلب
بـوٍكـا
10-04-2008, 11:57 AM
أنا قلبي من غير علامات

عشان معتش فيه مكان لأي علامه
رد روحي
10-04-2008, 02:43 PM
و انا يابوكا بتكلم بشكل عام
لو حتكلم بشكل خاص بكون القلم بتاعي عايزاه يترك علامة فعلا ..لا ..علامات
بس مش في قلبك انت..قلبك ليك ميخصنيش..انا اقصد قلب اللي بحبه..واللي هو للاسف
عايش في مصر
عفكرة انا محبش اتفهم غلط .... عكل حال ....شكرا
بـوٍكـا
10-05-2008, 01:43 PM
اخص مفيش امان(124)

وانا الي كنت بحرم نفسي من العشا عشان تستعشي
واحرم نفسي من الغطا عشان تستغطي

الي زيك مش لازم تعيش ليوم التلات
ولا الاربع

(97)(97)(97)(97)(97)(97)
رد روحي
10-05-2008, 02:14 PM
طب ارحمني و خليني بس للخميس (124)(124)
و حياة خالتك (124)(124)
بـوٍكـا
11-21-2008, 06:06 AM
طب ارحمني و خليني بس للخميس (124)(124)
و حياة خالتك (124)(124)

شوفتي خالتي غاليه عندي ازاي سيبتك للجمعه (32)(126)