السلام عليكم ورحمة الله وبركاته


قلت الوداع وجاوبت دمعه العين...تجرح بساتين الخدود النديه

غضت وشفت بعينها الحزن حزنين....وصاحت وقالت ماني على الفرقا قويه

جاوبتها ارجوك تكفين تكفين....والله ان دمعك يشعل النار فيه

قالت تعاهدني عهاد المحبين.....الله يخون اللي يخون بخويه

قلت بس ابشري واللي خلقك لاتظنين.......حرام ماغيرك عشقت ادميه

وقامت قصت شعرها وقلت وش تسوين؟ .. قالت ابي من غرتي لك هديه

نادتني الغربه على الهم والبين......احسب الايام روحه وجيه

غربه سنه في ذمتي غربة اسنين...متى على الله يلتقى الحي بحيه

وفي كل ليله ترسم بين رمشين....خيالها بين الرموش الشقيه

خـلاص هـآنت مابقى غير يوٍمين.....خـلاص قفت غربه جرهديه

رجعت وشوقي في خفوقي براكين....رجعت وكل لها جاذبيه

سالت ماردو وانا اصيح هي وين ؟ ... وكلن نثر من داخل العين ميه

وفي معمعه حزني تلقيت رمحين ...قالو توفت غافلتها المنيه

وتزاحمت بداخلي الف سكين....والحزن يطويني ثمانين طيه

صدمه وجاوبتني على الارض نصفين....وشلون راحت دون ذنب وخطيه

تكفون دلوني على قبرها الحين .....معاد فيني للصبر مقدريه

وقفت اطالع قبرها بين نصبين.....وجلست اضم اغلى النصايب عليه

وحالوت في لحظه اجرح الدين....وانزح تربه قبرها بيديه

ووقفت وتاهت بي جميع العناوين.....والحزن يلعب بداخلي سامريه

ورجعت لدورب الشقى قبل عامين......مدري من اللي صار فينا ضحيه

تكفون قولو لي ياناس هالحـين....من اللي صار فينا بنظركم ضحيه


اتمني ان تعجبكم (111)(111)