ياسر الرياض
01-16-2008, 06:28 PM
يارحلة العمر الشقاوي على وين
تغريب ذاتي به تطول المسافه
احمل شعاراتٍ تبعثرني سنين
ولا شفت من سود الليالي لطافه
شعوري بوحده بوسط المحبين
احساس يذبحني وصعب اكتشافه
أعيش في دنيا خلية مضامين
رجالها يفاخر بكثر انحرافه
وقت المصالح والحسد والتلوين
من فيه شيمه أومعزه يعافه
لااقفي نهاري وغمضت منه العين
بديت مسرى لوعتي من ضفافه
واجر مع صوت الربابة تلاحين
تذوب شرايني أم مع حسافه
يا مكبر التغيير بين أمس والحين
أكبر من الواقع وكذب الصحافه
وقت التطور لي ندر بالوفيين
يبين للعاقل كثير اختلافه
كم ذيب غدرا ضاع بين الزمانين
أوجنبه ركب الظعاين وطافه
يجر العوا حسرة ولامن مجيبين
فاصل زمانه حطمه يـوم خافه
وكم حر عاجز ماتشله جناحيين
الأسم باقي أوبـعــد بالإضافه
شانت له أيامه ولا ظني تزين
ويا سقم حاله لا شعر بالضعافه
وأنا على رجوى الأمل والله ايعيين
جبل يعاني من السموم وجفافه
ماهمني مظهر ولامال ٍ ايهين
أبغي الجدا لأهل الردا واللقافه
يـالله لاتقطع بقايا الشريفين
وكل واحدٍ صوب المعالي انعطافه
ووجدي على من حافهم نازع البين
رجالٍ مواقفهم بعز ونظافه
يالله ترحمهم برحمتك آمين
من عـقبهم أحس هالوقت تافه
تغريب ذاتي به تطول المسافه
احمل شعاراتٍ تبعثرني سنين
ولا شفت من سود الليالي لطافه
شعوري بوحده بوسط المحبين
احساس يذبحني وصعب اكتشافه
أعيش في دنيا خلية مضامين
رجالها يفاخر بكثر انحرافه
وقت المصالح والحسد والتلوين
من فيه شيمه أومعزه يعافه
لااقفي نهاري وغمضت منه العين
بديت مسرى لوعتي من ضفافه
واجر مع صوت الربابة تلاحين
تذوب شرايني أم مع حسافه
يا مكبر التغيير بين أمس والحين
أكبر من الواقع وكذب الصحافه
وقت التطور لي ندر بالوفيين
يبين للعاقل كثير اختلافه
كم ذيب غدرا ضاع بين الزمانين
أوجنبه ركب الظعاين وطافه
يجر العوا حسرة ولامن مجيبين
فاصل زمانه حطمه يـوم خافه
وكم حر عاجز ماتشله جناحيين
الأسم باقي أوبـعــد بالإضافه
شانت له أيامه ولا ظني تزين
ويا سقم حاله لا شعر بالضعافه
وأنا على رجوى الأمل والله ايعيين
جبل يعاني من السموم وجفافه
ماهمني مظهر ولامال ٍ ايهين
أبغي الجدا لأهل الردا واللقافه
يـالله لاتقطع بقايا الشريفين
وكل واحدٍ صوب المعالي انعطافه
ووجدي على من حافهم نازع البين
رجالٍ مواقفهم بعز ونظافه
يالله ترحمهم برحمتك آمين
من عـقبهم أحس هالوقت تافه