هذي القصيده اهداء خاص



ماقلت لك إرجــــع ولا قلـت لك روح
لا بان نور ولا ســـرى الليـل بــدري

مـادامني ماخطيـت مانيـب مسمـوح
وشلون أسامح في خطايـاك عذري؟

الصوت ماياصل والإحساس مبحوح
مانـــي علــى عهــده ولاني بخبــري

صكيّــت باب(ن) للمـواعيــد مفتـوح
ورديّـــت شبّـــاك التعــاليــل بــــدري

الســالفه مــاهي معـاناة وجــــروح
مــا هـان قــدرك ياحبيبـي وقــــدري

ماكل مــن يبـني يشيّــد له صــــروح
ينهّـد فكـره قبـل مـا ياصــل لفكـــري

أحيان أقـول إنـك ورا كــل هالبــوح
وأحيان أقــول إني صنعتــك بشعري

أذكرك وأنسى إني من الوجد مذبوح
لا رحت معطيــني ولا كاسب أجــري

يبقى السـؤال اللي له سنين مطروح
هّــد المحـاني يــوم شلتــه بصــدري

تدري وش اللي بين عيني وهالروح
إنـك وقفت وأجمــل العمــر يجـــري

قصيده حلوه

تسلم يمينك على الابيات

يارب يوصل الاهداء للي اهديته

وصل الاهداء اكيد

فديت طلتك

كلمـآت في غآيـة الرووعــه

تسسلمين يآذوق