أوقات صعبه ........ لحظات حلوه..•× *•~-.¸¸,.-~* [الأرشيف]

بنت مصر

12-09-2006, 06:26 AM

--------------------------------------------------------------------------------

أوقات صعبه ........ لحظات حلوه..•× *•~-.¸¸,.-~*
________________________________________

لما إحساسك .. ينصد ................ وبنظرهم مالا معنى .. وش نسميها ...؟؟

نسميها أوقات صعبه..

لما تطالع ..ورقه قدامك كلها اسئلة ..ولوبديت ماتحصل أجوبه !!! وش نسميها...

نسيمها أوقات صعـبه ..

لما ترفع من الخشوع يدك ..وتدعي خالق هالدنيا ...قبل لا تدعي لنفسك..يوفق أحبابك ولا يبعدهم

عنك .. وتنزل الدمعة وش نسميها !!

نسميها لحظه حلوه..

لما تركض وتركض وتركض .. وقلبك من الخوف ينبض .. وتدخل حديقة تلاقي طفل فقد أمه و

يصرخ ...وش نسميها ..

نسميها أوقات صعبه..

لما تدخل بين ناس ..أشكال وأصناف.. وتشوف كلن داخل معركة وتشوف إنسان حبيبته و لك فيه

معرفه تبي تقرب تسلم .. ماهو فاضي .. وتكتشف أن ذكراه لازم تمسحها من خيالك..وتأخذ القرار

وتغادر .. وش نسميها

نسميها أوقات صعبه ..

لما تبي تحكي..بكلمه بس تبي تقول (آه) ماتطلع .. بس تبي تقول ( حرام ) ماتقدر .. تطالع من القهر

على المشهد تسكت ..وقلبك نيارنه تولع .. وش نسميها

نسميها أوقات صعبه ...

لما تبكي في حضن مخدة ...ولها تشكي .... وتنتظر جواب منها ماتجاوب... تسألها عن حال الدنيا...

ماتجاوب

تفكر... تكتشف انك لوحدك بقلبك مجاهد ....وهي ماتقصر رمتك في زاوية تغني لحن الأماكن...وش

نسميها

نسميها أوقات صعبه

لما تشوف بشر خالين احساس...هم أحبابك .عفوا قديما كان... صار عنوان طريقهم اهدم قلوب

الناس...مخرج رقم (1) حي الإجرام... وش تقول في نفسك... ؟؟؟؟؟

وأنت بترحل عن هالمكان ..

اقدر أقول إنها لحظه وذكريات صعبه....

لما تكون في عز حزنك تلاقي واحد يواسيك...والثاني يبكي على حالك ويهديك و... قدامك مجهول

يناديك ؟؟؟ تروح معه يمكن تبي تبعد عن أحبابك ماتبي تسبب لهم الضيق . وتكتشف في بداية

الطريق .. انك تركت السعادة ورحت لواحد مايداريك .. رحت مع ذكرياتك .. ضحكت عليك يوم جاتك

على هيئة واحد غريب .. ثم تتركها وترجع لمكانك تكتشف إن قلوبهم تنتظرك من جديد وانك أبدا

منت وحيد.. وش نسميها

نسميها لحظه حلوه ..

وش أقولكم..في البداية اخترت العنوان أوقات صعبه.. لحظات فرحه .. وكنت أبي أعطي كلاً في

التعبير حقه

لكن انتهيت ..ولقيت نفسي كتبت لحظتين حلوه .. وما لقيت غيرها.. اقدر اكتبها !!! أكمل وأكمل

وكل مااسأل نفسي ..تتطلع اللحظات الصعبة .. تطلع معي مشاهد أتذكرها يمكن الحروف اللي

اكتبها صور تشبيهيه عن أشياء ضايقتني لها معنى... ومع كذا أشياء كثير ماعرفت

أعبرها ..ماعرفت من القهر أصورها ..

ماعرفت لمن من إحساسي انثرها