قولوا لأبو متعب ترى الشعب مقهـور ** ياخـادم البيتيـن امسـك عصـاهـا

ضاعت فلوس الناس مع كـل هامـور ** ومثلك يعرف البير ويعـرف غطاهـا

من سي لاسوأ وبين عاثـر ومعثـور ** وسهمك وهو سهمك رموه بخلاهـا !!

كيف اشكي العله علـى كـل دكتـور ** والطب عندك وانـت تعـرف دواهـا

ماخافـو الله خالـق النـار والـنـور ** حتـى الأرامـل شاركوهـا بعشـاهـا

ياقلبـي اللـي فيـه نيـران وحـرور ** ضاقت علي دنيـاي وسكـر فضاهـا

سوقك بلون الـدم باسبـاب مغـرور ** يضغط علـى سابـك وكسـر يداهـا

واعمار صارت دمهـا اليـوم منثـور ** وخاب الرجاء باعمار واللـي رجاهـا

ياما بنينـا فوقهـا ابـراج وقصـور ** وراحت سدى والسوق دحـدر معاهـا

كم شاب قال ابغى اتزوج مـن الحـور ** وافلس وبيره جف مـا شـاف ماهـا

وقمت اتفكر وادرس الـراي والشـور ** قلت ازبن لصقر العروبـه .. ذراهـا

بكلمه تجي من عنده اليـوم مسـرور ** والسوق يرجع عشب يـروي ظماهـا

يادرعنا لا صـار بالكـون عاصـور ** كم صرخـة ٍ للنـاس تسمـع صداهـا

يالحر00 يابن الحر00 والحر مخبور ** قاد الحـرار الشامخـه فـي سماهـا

ما يلحقك يا سيـدي شـك وقصـور ** لكـن رسالـه ياصـلـك محتـواهـا

انـك ابونـا والرجـا فيـك موفـور ** عدلـك شمـل كـل الديـار وغشاهـا

جوني يعزوني على السـوق ماجـور ** قلـت البقـا بالشيـخ يطفـي لظاهـا

ويرد لون السوق عشبـي ويخضـور ** مثـل علـم دار السعـود وصفـاهـا

خيرك عميم وشاكر النـاس مشكـور ** ومـزن الحيـا عـم البـلاد وسقاهـا

انت الرجا بعد الولـي تدفـع الجـور ** واسلم عساك تـدوم وتحمـي حماهـا

وسلامتكم (125)

مع تحيات اخوكم / الفيصــــــــــــــــــل

يعطيك العافية يا يالغالي

شاكر لك روعة موضوعك

دمت بود والله لا يحرمنا من مواضيعك

يسلمووووو فثولى
وربي شي جناااااااااااااااااان
حتى الاسهم ماسلمت من القصيد
خخخخخخخخخخخخخخخخخخ
صح لسانك وننتظر جديدك
لك خالص ودى واحترامى
دموووووووووووووعه

فثفث

يثلمو ياعثل

وين الثوكلاه ما ثبتا بعدك

تحياتي يالغلا

هدوله

صح بدنكم

الشاعر دائما يتكلم عن جميع الاحداث التي تؤاثر بالمجتمع

ان كانت احداث شخصيه او احداث اجتماعيه او سياسيه

مع تحياتي اخوكم / الفيصـــــــــــــــل