نكت لزيزة [الأرشيف] - منتديات الحب

pops

10-24-2006, 05:46 AM

(111) واحدة ماسكة الفستان وبتجري ليه؟

خايفة الموضة تخلص

ــــــــــــــــــــــــــــــــــــــــــــــــــ ــــــــ

مرة ولد صغير راح لجارته وطلب منها إنها توريه لسانها فسألته ليه؟

فقالها عشان ماما بتقول ان لسانك زي العقربة.

ــــــــــــــــــــــــــــــــــــــــــــــــــ ــــــــ

مرة واحد جاله عيل بس للأسف كان شكله غلط خالص، فسماه صفوت، كبر صفوت قام ابوه مقدم له

ف المدرسة بس ما اتقبلش لتخلفه العقلي الواضح و شكله الغير طبيعي، الراجل ما لقاش فايدة قام

طالع على المدارس الخاصة وعدى عليهم مدرسة مدرسة كل ما يشوفوا صفوت يقولوا له ربنا يسهل

لك، الراجل تعب قوي لحد ما لقى مدرسة داخلية للحالات الخاصة جدا قام رامي لهم صفوت و

مصاريفه و راح شم بقى نفسه وعاش حياته.

المهم... تعدي سنة الراجل افتكر ابنه وحب يزوره راح المدرسة و سأل عليه ف الاستقبال قالوا له

الدور الأول طلع..لقى يافطة مكتوب عليها "قسم الناس الغريبة" دخل فصل فصل و بص ف كل العيال

ما لقاش صفوت، نزل لبتوع الاستقبال قالوا له يبقى ف الدور التاني طلع التاني لقى يافطة "قسم

الناس العجيبة" دور فصل فصل و درج درج مفيييييش صفوت، نزل تاني قالوا له يبقى ف التالت

أكيد، طلع لقى يافطة عليها "قسم الناس الفضائية" قعد يبص و يفلي ف العيال الفضائيين ما لقاش

ابنه برضة، نزل لهم قالوا له بص، بعد كدة مفيش غير السطوح طلع السطوح لقى فصل واحد عليه

يافطة مكتوب عليها "صفوت".

ــــــــــــــــــــــــــــــــــــــــــــــــــ ــــــــ

مرة الريس عايز يزود شعبيته فقال لرئيس الوزرا يعلي الأسعار فالناس تتضايق يقوم هو ينزلها، فعلا

رئيس الوزرا زود الأسعار، بس الناس ما اتكلمتش، عادي خالص، الريس استغرب قوي، وقاله: طب

خلي الضرايب على المرتبات خمسين للمية. زود رئيس الوزرا الضرايب خمسين ف المية، الناس هزت

دماغها وسكتت. الريس اتجنن وقال لرئيس الوزرا بص، طلع أي قرار غشيم من عندك يخلي البلد

تولع، رئيس الوزرا عمل ضريبة اللي يعدي كوبري يدفع عشرة جنيه، الناس نفخت و ضربت كف بكف

ودفعوا، فقام رئيس الوزرا خلى اللي يعدي يدفع عشرة جنيه وهو طالع، وعشرة جنيه وهو نازل

من الناحية التانية، الناس قالت اللهم طولك يا روح و أمرنا لله و دفعوا.

رئيس الوزرا كبرت ف دماغه، وأمر إن اللي يعدي بعد ما يدفع عشرة جنيه، و هو خارج م الكوبري

ياخد على قفاه، و نزل الريس بنفسه متنكر يتابع الموقف، الناس تدفع وهية طالعة الكوبري عشرة

جنيه، و عشرة جنيه و هية نازلة و تاخد على قفاها وتمشي، شوية و لقى واحد بيزعق و متضايق،

وطى على ودنه قال له "مالك؟" قال له "حاجة تقرف! أنا متعطل خمس ساعات..لازم يزودوا الناس

اللي بتدينا على قفانا!!!!!!!!"

ــــــــــــــــــــــــــــــــــــــــــــــــــ ــــــــ

سواق ماشى علي الطريق، واحد لابس أحمر في أحمر شاور له، فوقف السواق و قال له "إنت مين

وعايز ايه؟" قال له "أنا الفرفور الأحمر وعايزك توصلني" فقال له "لا ما باوصلش فرافير"، و مشى

و سابه.
شوية لقى واحد لابس أصفر في أصفر وبيشاور له فوقف و قال له "إنت مين و عايز ايه؟" قال

له "أنا الفرفور الأصفر و عايزك توصلني فقال له "لا أنا ما باركبش فرافير"، و مشى و سابه.

شوية وقابله واحد لابس أخضر في أخضر عمل معاه نفس الحكاية فالسواق قال له "ما باوصلش

فرافير خضر" سابه و مشي. شوية كمان كده و لقى واحد لابس أبيض في أبيض بيشاور له

فالسواق وقف و قال له "يا ترى انت بقى الفرفور الأبيض" فقال له
"الفرفور الإيه؟ رخصك يا روح أمك!"

ــــــــــــــــــــــــــــــــــــــــــــــــــ ــــــــ

واحد مسطول بيسألوه "إيه أصعب شيء في الحياة؟، قال لهم: إنك تحدد السكسوكة و إنت

بتمضغ لبانة.

ــــــــــــــــــــــــــــــــــــــــــــــــــ ــــــــ

واحد صعيدي عايز يعلم ابنه المشي ربطه في القطر.

ــــــــــــــــــــــــــــــــــــــــــــــــــ ــــــــ

ظابط بيزعق لمواطن و بيقول له: "إنزل من علي الرصيف يا حمار!!!" المواطن قال له: "بس ماتقولش

رصيف!!!"

ــــــــــــــــــــــــــــــــــــــــــــــــــ ــــــــ

مسطول بيقول لمسطول "أنااستنبطت بقلق مشقبز ف البلكونة" المسطول التاني قال له "يعني إيه

بلكونة؟"

ــــــــــــــــــــــــــــــــــــــــــــــــــ ــــــــ

ندل فتح مدرسة للأيتام علشان يذلهم ويعمل كل يوم اجتماع أولياء أمور.

ــــــــــــــــــــــــــــــــــــــــــــــــــ ــــــــ

اثنين محششين .. قال الأول : بالي مشغول من امبارح.. فأجابه الثاني : يمكن حد رافع السماعة ..

ــــــــــــــــــــــــــــــــــــــــــــــــــ ــــــــ

فيه مدرس كل مايقول للولد قول "دجاجة"، يقول "دداده"، فزهق المدرس، وقال قل لأبوك يجي

بكرة، فجه الأب فقال له المدرس اللي حصل، فقال الأب : ماهو ده اللي مدنني.

ــــــــــــــــــــــــــــــــــــــــــــــــــ ــــــــ

واحد قاعد مع صديق له صوته وحش قوي، قعد يغني وبعدين قال لصاحبه: صوتي هو الثروة

الوحيدة إللي اداها لي ربنا! فقال له صاحبه: والله الفقر مش عيب!

ــــــــــــــــــــــــــــــــــــــــــــــــــ ــــــــ

واحد بتاع بنات، ابوه اداه شريط اسلامي علشان يهتدي، ولما راح له ثاني يوم لقاه لابس حجاب.

ــــــــــــــــــــــــــــــــــــــــــــــــــ ــــــــ

مسطول وقفته لجنة قالوا له : ليه ماربطتش الحزام؟ قال لهم: أصلا انا مش لابس بنطلون.

ــــــــــــــــــــــــــــــــــــــــــــــــــ ــــــــ

صعيدي قتل ولده ولما سألوه ليه ؟ قال:عصفور في الجنة ولا حمار على الأرض.

ــــــــــــــــــــــــــــــــــــــــــــــــــ ــــــــ

صعيدي حب يشرب سيجارة حطها في الكوباية.

ــــــــــــــــــــــــــــــــــــــــــــــــــ ــــــــ

الزوجة : تخيلي يا ماما بعد ما عملت له الاكل قام خده ورماه للكلب، الأم : والله حرام عليه طب

والكلب ذنبه ايه؟!

ــــــــــــــــــــــــــــــــــــــــــــــــــ ــــــــ

دخل أحد المساطيل الي المسجد ليصلي العشاء فصلي ركعتين ثم قام، فقال له احد المصلين: ان

العشاء 4 ركعات فرد لا تخف لقد وضعت تحت السجادة كربون.

ــــــــــــــــــــــــــــــــــــــــــــــــــ ــــــــ

واحدة راحت تخطب لابنها، ام العروسة بتسألها ... وياترى ابنك بيدخن ؟؟؟ ردت عليها : لا لا لا

الحمد لله ابنى ما بيدخنش..... ألا اذا سكر.

ــــــــــــــــــــــــــــــــــــــــــــــــــ ــــــــ

في محشش سال أخوه قاله التعلب بيولد ولا يبيض؟، راح قاله:التعلب مكار توقع منه أي شئ!