لإني حلو يتلزقون فيني (ممنوع دخول الزوله)




هلا حياكم الله ومرحبا بكم في مواضيع المصرقع الماصله
بالبدايه احب اذكركم بالموضوع اللي كتبته قبل مده وهو موضوع عن الغزل ووش صار لي مع البنات وكيف طيحتهن وحده ورا الثانيه (ايه هين) في ذاك الوقت جتني رسائل على الايميل كلن ينشدني وش انت لابس ووش احسن يوم تنزل فيه للسوق وهل كنت لابس جزمه والا حذاء(وانتم بكرامه) من الاسئله البايخه حقت المغزلجيه حتى فيه واحد دز لي ايميل يقول صدق ان الصوره اللي طلعتها هي صورتك الحقيقيه (اكيد انه منهبل يوم شافني )

المهم اليوم نبي نشوف موضوع ثاني وهويختص بالنوع الثاني الا وهو الصيع البزرنجيه اللي يطردون ورا الطخمان
طخمان يعني حلوين (42)

حلوين يعني زينين

زينين يعني وسيمين

وسيمين يعني طخمان (42)

وبقولكم قصتين حصلت معي (42)

اول قصه مع احد الزنوج يعني الكوشيين باللغه العبريه(تكفى ياللغات) كنت جالس في مقهى ايام كنت اشيش وبعدين ابقولكم ترا راعي الكيف بالشيشه مايجي بالليل ويتكي مع الشباااااب ويسولف ويمزمز بالشيشه(ليه عصير سن توب)ياقدمك راعين الكيف يجيك العصريه والا المغرب يتكى لحاله يشيش على راحته لين يكيف راسه ويقوم ماهوب حقين الليل الي تقدر تسكته بسجارة مارلبوروا
نرجع لسالفتنا كنت جالس اشيش بلحالي مامعي احد الا ويجيك ذاك الزنجي معه اربع ورعان كل واحد يقول وقف عندي واترك نوال الزغبي وانا اقووول وش جاب هالورعان مع الزنجي المملوح ذا (ايه هين) ويجلسون بالجلسه اللي مقابله لي والزنجي يقعد يقزقز فيني ويتفرج علي ويحللني من راسي لرجلي قلت انا هذا وش فيه صاحي والا مريض ويوم خلصت من الكيف وانا اقوم واطلع من المقهى رايح يم الشفر حقي (سيارتي) الا الزنجي وراي ويوم ركبت السياره وهو يجي عندي ويقول سلام
قلت وعليكم
قال انت اللي كنت قدامنا في الجلسه (سؤال بايخ)
قلت ايه
قال ممكن نتعرف
قلت نتعرف هل وش
قال ودي اتعرف عليك
قلت وليه تتعرف علي
قال بصراحه انا معجب
قلت ونعم(على بالي اسمه)
قال لا انت فهمتني خطأ قصدي اني معجب فيك
قلت هااااااااااااااااه

<<<<<<<<<<<<<<<<<<والله لو يتزوجي العبيده ذي خخخخخخخخخخخخخخ(42)

قال اللي سمعته (المشكله انه ورع صغير ذالزنجي عمره مايتعدى 14 سنه)
قلت (والضحكه ودها تطلع ) وش معجب فيه
قال معجب وبس (والعرق يقعد يتصبب منه الضعيف)
قلت طيب وش معجب فيه في طولي (تراني طول محمد الدعيع بس احلى منه)والا في شعري وعلى طاري الشعر قبل مده كنت مع اربعه من الشباب داخلين العقاريه (حدك سوق الحجاب) واول مادخلنا في السوق ولفينا يمين نبي نتمشى الا الهيئه بوجيهنا لاحووووووووول(جبنا العيد) قالوا تعالوا ياشبااب ونجيهم قال واحد منهم وش عندكم هنا قلت انا : انا جايب اهلي هنا وادور عليهم باخذهم وقابلت الشباب قال وانت وش عندك (يعني خوينا الثاني) قال شرحه سرا قال المطوع هاااااه قال خوينا وانا مثله جايب اهلي هنا وسأل الثالث قال وانت بعد جايب اهلك هنا قال ايه والتفت على الرابع وانت بعد لاتقول مثلهم قال ذاك لا ماني زيهم انا قال اجل وش عندك هنا قال :هااااااااااه0000000انا معزوم
ويوم قال الكلمه ذي وحنا نتسدح من الضحك نعنبوا ابليسك معزوم في سوق ليه مافيه بيوت عند اخوياك قال المطوع تعال انت ويااه ويشيلونا على المركز ويحلقونا ونجيك قرع ماعلينا شعر تقل وجه مصري توه من منعم
قال الزنجي ياخي انا معجب فيك كلك من راسك حتى رجولك
قلت انت شارب لك شي اليوم
قال ايه
قلت وش شارب
قال شارب لي كوكتيل الصبح وانا افطر
قلت وش افطرت
قال فول (خالطن كوكتيل مع فووووول)
والله انه زنجي من جد
قلت يابو الشباب توكل لاتغثني ودي ارووح انام
قال يعني مافيه امل ههههههههه
قلت لا ياخوي مافيه امل والله لوانك تبي تخطبني توكل بس
وراح الزنجي وانا جلست نص ساعه بالسياره اقوووول فيه اشكال زي كذا عندنا
موسيقى هاديه

*****************
اغنيه الاطلال لأم كلثوم(42)

اعلان عن فشار ابوريحه <= == معجون اسنان جديد (42)

*********************************

السالفه الثانيه مع واحد من الورعان يصلي معنا الفجر دايم (بالعطله بس) الظاهر انه جاي يتسيح هنا بالرياض
ودايم اذا طلعت من صلاة الفجر القاه بوجهي ويتبسم وانا راد فيه ماعطيه وجه
المشكله الولد تعطيه من اثنعشر سنه الى ثلاثطعشر سنه وجالس يتحرش
طلعت مره وهو واقف وامر من عنده قال احسن ياثقيل والتفت عليه ويقعد يضحك قهرني من جد
ويجي مره ثانيه قال ياخوي الاجازه بتخلص وانت ماعطيتنا وجه قلت وش تقول انت
قال وراك راد فينا
قلت تقلع ياورع من هنا يله
قال ليه زعلان
قلت لاحوووووول ضف وجهك تفهم انت
قال ياخوي انا فاكن معك
قلت وش تقول
قال انا فاكن معك
قلت ليه شايفني موستنج تفك معي
قال اطلق من الموستنج (ضاعت علومي)
قلت توكل بس وخل عنك الخرط الفاضي
قال اسمع انا اتكلم معك من جد متى اقدر اكلمك
قلت دق علي الساعه وحده بالليل يكونو اهلي نايمين
قال خلاص ورقم تلفونكم عندي(ياقدمك الناس جوالات الحين )
قلت تعال صدقت انت ووجهك وش رايك تذب علي الرقم
قال لوعندي تلفون بالديره كان عطيتكياه من زمان
قلت متى بتمشي انت
قال يمكن بعد يومين
قلت خلاص اقابلك بكره لازم تجي
قال ابشررررر تلقاني محضر بالحاره
واجيك وآخذ حقيبة السفر واطلع البحرين يومين (هاجن منه)
يوم جيت لقيت البيت معفوووس فوق تحت الورع جا ودق الباب وطلع له الشايب قال وين المصرقع قال ماهو فيه وش تبي فيه انت ومن انت قال انا صديقه قال صديق من قال صديق المصرقع قال لا ماهو فيه مسافر قال الولد متى سافر قال امس وراح يجلس اسبوع هناك(مع ان الشايب يقول لوتاخرت يوم واحد زياده ياويلك) قال الولد تكلم من صجك انت قال ايه يله رح لبيتكم
ويروح الولد وبعد شوي يرجع ومعه ورقه كاتب فيها معاناته ودافها من تحت الباب لقاها الشايب وعينك ماتشوف الا النور وغير كذا كاتب على جدار البيت سأكون صديقك غصبن عنك وسأعود
الوكاد انه فضحني بالحاره وصاروا اذا مروا من عند بيتنا قال هذا بيت الرجال اللي فك معه الولد


<<<<<<<< انفضح من جد الاطخم ذا (ايه هين اطخم)(42)



تحياتي(55)
جررررررررررررررررررررررررروحي(42)

السلام عليكم ورحمة الله وبركاته

يسلمو على هذا الموضوع

تحياتي

هاجس الشمال